शिगाव येथे दुचाकी-ट्रकची जोरदार धडक;

दुचाकी-ट्रकच्या धडकेत दोघे जखमी

बोईसर, ता. १२ (वार्ताहर) : शिगाव ग्रामपंचायत कार्यालयाजवळ दुचाकी, ट्रकच्या धडकेत दोघेजण गंभीर जखमी झाले आहेत. मंगळवारी सकाळी १०.४३ वाजण्याच्या सुमारास हा अपघात झाला.
नागझरीकडे निधालेला मालवाहू ट्रक वाघाडीहून बोईसरकडे जाताना दुचाकी शिगाव ग्रामपंचायत कार्यालयाजवळ चालकाचे वाहनावरील नियंत्रण सुटले होते. या अपघातात वेणू घाटाळ (वय १६), चालक सूरज धापशी (१९) गंभीर जखमी झाले. दोघांच्या पायांना फ्रॅक्चर झाले आहे. तर सूरज धापशी याच्या डोक्याला गंभीर दुखापत झाली असून कानातून रक्तस्रावामुळे प्रकृती चिंताजनक असल्याची माहिती आहे. दोघांवरही नवापूर येथील खासगी रुग्णालयात उपचार सुरू आहेत.