घरात आग लागून वस्तू जळून खाक

कळवा (बातमीदार) : कौसा येथील दिवा-आगासन रस्त्यानजीकच्या एकवीरा गॅलेक्सी इमारतीत मंगळवारी (ता. १२) रात्रीच्या सुमारास शॉर्टसर्किटमुळे घरात आग लागून घरगुती वस्तू खाक झाल्याची घटना घडली आहे. मंगळवारी रात्री ११.३० वाजण्याच्या सुमारास या इमारतीच्या चौथ्या मजल्यावर राहणाऱ्या मोहन गुप्ता यांच्या घरात शॉर्टसर्किटमुळे अचानक आग लागून घरातील कपाट, कपडे, भांडी व विजेची उपकरणे खाक झाली. आगीचे वृत्त समजताच अग्निशमन दलाच्या जवानांनी घटनास्थळी धाव घेत आगीवर नियंत्रण मिळवले.