डेटावर आधारित गुंतवणुकीचे नवे युग

पुणे, ता. ७ : देशातील शेअर बाजार नव्या युगात प्रवेश करत आहेत. वाढत्या गुंतवणूकदारांच्या सहभागामुळे आणि डिजिटल युगातील डेटाच्या उपलब्धतेमुळे गुंतवणुकीत ‘डेटा-ड्रिव्हन’ दृष्टिकोनाचा अवलंब होत आहे. या पार्श्वभूमीवर जिओब्लॅकरॉक अ‍ॅसेट मॅनेजमेंट कंपनीने ‘सिस्टेमॅटिक अ‍ॅक्टिव्ह इक्विटी’ (एसएई) ही नव्या पिढीची गुंतवणूक पद्धत सादर केली आहे, असे कंपनीच्या मुख्य ग्राहक अधिकारी कोमल नारंग यांनी सांगितले.

या पद्धतीत गुंतवणूक सक्रियपणे केली जाते, मात्र निर्णय प्रक्रिया पूर्णतः डेटावर आणि शास्त्रीय पद्धतींवर आधारित असते. पारंपरिक सक्रिय फंड जिथे व्यवस्थापकाच्या वैयक्तिक निर्णयावर अवलंबून असतात, तर निष्क्रिय फंड केवळ निर्देशांकाची नक्कल करतात. एसएई मात्र दोन्हींचा समतोल साधतो. या पद्धतीत सुमारे १२० ते १३० शेअर्स निवडले जातात आणि बाजारभांडवलाच्या प्रमाणानुसार गुंतवणुकीचे वजन बदलले जाते. ‘जिओब्लॅकरॉक’चे म्हणणे आहे की, क्रेडिट कार्ड व्यवहार, नोकरी जाहिराती, ऑनलाइन क्रियाशीलता यांसारख्या रिअल-टाइम अल्टरनेटिव डेटाचा वापर करून गुंतवणुकीचे निर्णय अधिक वेगाने व अचूकपणे घेता येतात. यामुळे संभाव्य जोखीम आणि खर्च नियंत्रित ठेवत सततचे (अल्फा) मिळवण्याचा प्रयत्न केला जातो. ब्लॅकरॉकच्या अलॅडिन प्लॅटफॉर्ममुळे, जो जोखीम व गुंतवणूक व्यवस्थापन एकत्रित करतो. कंपनीचा पहिला फंड ‘जिओब्लॅकरॉक फ्लेक्सी कॅप फंड’ या नवीन युगाचा पहिला टप्पा ठरणार आहे.