एसआयआयएलसी

फ्रोजन फूड व्यवसायातील संधी
अलीकडच्या काळामध्ये फ्रोजन फूडची खूप मोठी मागणी आहे. या पार्श्वभूमीवर या व्यवसायासंदर्भात माहिती देणारी एकदिवसीय कार्यशाळा १९ जुलैला होणार आहे. कार्यशाळेत फ्रोजन फूड म्हणजे काय हे सांगून व्हेजिटेबल टिक्की, बर्गर टिक्की, नगेट्स, व्हेजिटेबल नगेट्स, चीज नगेट्स, चिकन टिक्की, चिकन नगेट्स, फ्रोजन चपाती, फ्रोजन पराठा, फ्रोजन स्वीट कॉर्न, फ्रोजन मटार, फ्रोजन पायनापल, फ्रोजन व्हेजिटेबल हे फ्रोजन पदार्थ तयार करण्याच्या व्यावसायिक पद्धती व प्रिझर्वेशन शिकवले जाणार आहे. तसेच फ्रोजन फूडसाठी लागणाऱ्या मशिनरी, प्रोजेक्ट रिपोर्ट, लोगो, शासकीय अटी, नियम व लायसन, कॉस्टिंग, लेबलिंग, पॅकिंग, मार्केटिंग आणि हा व्यवसाय कसा सुरू करावा, याविषयी सविस्तर माहिती देण्यात येणार आहे.
संपर्क : ८४८४८११५४४

एफपीसीसाठी ऑनलाइन पुरवठा
साखळी व्यवस्थापन प्रशिक्षण
कृषी क्षेत्रातील शेतकरी उत्पादक कंपनी (एफपीसी) यशस्वी होण्यासाठी पुरवठा साखळी व्यवस्थापन अत्यंत महत्त्वाचे आहे. शेतकऱ्यांकडून उत्पादित होणारी कृषी उत्पादने वेळेवर, दर्जेदार व कमी खर्चात ग्राहकांपर्यंत पोहोचवण्यासाठी एफपीसीमध्ये योग्य नियोजन, प्रभावी अंमलबजावणी आणि आधुनिक डिजिटल तंत्रज्ञानाचा समावेश आवश्यक आहे. या ऑनलाइन प्रशिक्षणाचा उद्देश एफपीसी सदस्यांना पुरवठा साखळीची मूलतत्त्वे, खरेदी, साठवण आणि वितरण प्रक्रियेचे नियोजन, नोंद व्यवस्थापन व डिजिटल साधनांचा प्रभावी वापर याबाबत सखोल मार्गदर्शन देणे हा आहे. प्रशिक्षणाद्वारे एफपीसी अधिक कार्यक्षम, पारदर्शक आणि बाजाराशी सुसंगत कशी बनू शकते, यावर भर दिला जाईल. तसेच बाजार संलग्नतेसाठी कृती आराखडा तयार करण्याची प्रक्रिया समजावून सांगितली जाईल. एफपीसीच्या सर्वांगीण विकासासाठी हे प्रशिक्षण महत्त्वपूर्ण ठरेल.
संपर्क : ९१५६०१००६०

लँडस्केप गार्डनिंग कार्यशाळा
घराच्या आजूबाजूला उपलब्ध जागेमध्ये आकर्षक लँडस्केप गार्डन तयार करण्यासाठी लागणारे आवश्यक ज्ञान, गार्डनचे प्रकार, तयार करण्याची तत्त्वे, डिझाइन करण्याची पद्धत तसेच झाडांची निवड, गार्डनमधले रस्ते, बॉर्डरला लावली जाणारी झाडे व त्यांची निवड आदींविषयी मार्गदर्शन करणारी कार्यशाळा २६ व २७ जुलैला होणार आहे. कार्यशाळेत लँडस्केप गार्डनिंगचा परिचय, गार्डनमध्ये झाडांच्या वेगवेगळ्या डिझाइन तयार करण्याच्या पद्धती, साइटचे मूल्यांकन व तयारी, लँडस्केपिंग टेक्निक्स, खत व पाणी नियोजन, देखभाल पद्धती, पर्यावरणविषयक विचार, क्लायंट कम्युनिकेशन आणि प्रोजेक्ट मॅनेजमेंट, सुरक्षा आणि नियम, लँडस्केप गार्डनिंगमधील भविष्यातील ट्रेंड आदींविषयी मार्गदर्शन होणार आहे. लँडस्केपिंगमध्ये करिअरच्या संधी शोधणाऱ्यांना तसेच वैयक्तिक बागकामामध्ये स्वारस्य असणाऱ्यांना कार्यशाळा उपयुक्त आहे.
संपर्क : ८४८४८११५४४

व्यावसायिक दृष्टिकोनातून मोदक कार्यशाळा
महाराष्ट्राच्या लाडक्या गणपती बाप्पांच्या उत्सवाची सगळेजण आतुरतेने वाट पाहात आहेत. या काळात मोदकांची मागणी वाढलेली असते. या पार्श्वभूमीवर बाप्पांना आवडणारा मोदक सिक्रेट टिप्स व ट्रिक्ससह तयार करण्याची कृती प्रात्यक्षिकांसहित करून दाखवणारी व मोदक व्यवसाय करू इच्छिणाऱ्यांना तो कसा सुरू करावा, याचे मार्गदर्शन करणारी कार्यशाळा २७ जुलैला होणार आहे. यामध्ये मोदक व्यवसायातील संधी व त्यासाठी विविध प्रकारचे नावीन्यपूर्ण मोदक कसे तयार करावेत, याचे प्रशिक्षण घेतले जाणार आहे. मोदक तयार करण्याची व्यावसायिक पद्धत, प्रिझर्वेशनच्या पद्धती, बाजारपेठेतील संधी, नफा, पॅकिंग, लेबलिंग आदींबाबत मार्गदर्शन केले जाणार आहे. कार्यशाळेत खवा, मँगो, केशर, गुलकंद, पान, शुगर फ्री, चॉकलेट, खारे, ड्रायफ्रूट, तळणीचे व उकडीचे इत्यादी मोदकांचे प्रकार शिकवले जातील.
संपर्क : ८४८४८११५४४

एसआयआयएलसीच्या विविध प्रशिक्षण व कार्यशाळांची माहिती मिळवण्यासाठी व नावनोंदणीसाठी क्यूआर कोड स्कॅन करावा.