व्यावसायिक चटणी कार्यशाळा

व्यावसायिक चटणी कार्यशाळा
जेवणातील चव वाढविणाऱ्या खमंग स्वादिष्ट आणि रुचकर अशा विविध पद्धतीच्या महाराष्ट्रीय चटणी प्रात्यक्षिकासह शिकवणारी कार्यशाळा २६ जुलै रोजी आयोजिली आहे. रोजच्या आहारामध्ये चटण्यांचे सेवन केल्यामुळे आरोग्याला मोठे फायदे होतात. या अनुषंगाने कार्यशाळेत सोलापुरी शेंगदाणा, खोबरे, लसूण, कढीपत्ता, कारले, टोमॅटो, कांदा, पांचाली, थ्री इन वन, आवळा, कोर्टा, जवस अशा विविध प्रकारच्या चटण्या तसेच दक्षिण भारतीय इडली, भात आदींसोबत खाल्ली जाणारी गन पावडर शिकवली जाणार आहे. व्यावसायिक कार्यशाळा असल्याने यामध्ये चटणी व्यवसाय कमी भांडवलामध्ये कसा सुरू करावा, व्यवसायाला असणारी मागणी, त्यामधील नावीन्यपूर्ण पद्धती, मिळणारा नफा चटणी टिकवण्याची पद्धत व पॅकेजिंग याबद्दलही माहिती दिली जाणार आहे.
संपर्क : ८४८४८११५४४

लँडस्केप गार्डनिंग कार्यशाळा
घराच्या आजूबाजूला उपलब्ध जागेमध्ये आकर्षक लँडस्केप गार्डन तयार करण्यासाठी लागणारे आवश्यक ज्ञान, गार्डनचे प्रकार, तयार करण्याची तत्त्वे, डिझाइन करण्याची पद्धत तसेच झाडांची निवड, गार्डनमधले रस्ते, बॉर्डरला लावली जाणारी झाडे व त्यांची निवड आदींविषयी मार्गदर्शन करणारी कार्यशाळा २६ व २७ जुलै रोजी आयोजिली आहे. कार्यशाळेत लँडस्केप गार्डनिंगचा परिचय, गार्डनमध्ये झाडांच्या वेगवेगळ्या डिझाइन तयार करण्याच्या पद्धती, साइटचे मूल्यांकन व तयारी, लँडस्केपिंग टेक्निक्स, खत व पाणी नियोजन, देखभाल पद्धती, पर्यावरणविषयक विचार, क्लायंट कम्युनिकेशन आणि प्रोजेक्ट मॅनेजमेंट, सुरक्षा आणि नियम, लँडस्केप गार्डनिंगमधील भविष्यातील ट्रेंड आदींविषयी मार्गदर्शन होणार आहे. लँडस्केपिंगमध्ये करिअरच्या संधी शोधणाऱ्यांना तसेच वैयक्तिक बागकामामध्ये स्वारस्य असणाऱ्यांना कार्यशाळा उपयुक्त आहे.
संपर्क : ८४८४८११५४४

शासकीय ई-निविदा प्रक्रिया प्रशिक्षण
विविध शासकीय, निमशासकीय, सार्वजनिक विश्वस्त संस्था, देवस्थाने आता ई-निविदा प्रक्रिया राबवत आहेत. याबाबत प्रात्यक्षिकासह मार्गदर्शन करणारे प्रशिक्षण २६ व २७ जुलै रोजी आयोजिले आहे. प्रशिक्षणात विविध विभागातील नोंदणी, न दिसणाऱ्या निविदासुद्धा कशा शोधायच्या, बीओक्यू भरताना येणाऱ्या अडचणी, निविदा भरण्यास लागणारी कागदपत्रे, कागदपत्रे डिजिटली सही करून कशी सादर करायची, इएमडी व एसडीमध्ये सूट कशी मिळवायची, स्वतःकडे मशिनरी नसतील, तर करावयाचे भाडे करार, निविदापूर्व बैठकीला जाण्यापूर्वी करावयाच्या १५ महत्त्वपूर्ण गोष्टी कोणत्या याबाबत तसेच इतर महत्त्वाच्या तांत्रिक गोष्टींबद्दल सविस्तर मार्गदर्शन होणार आहे.
संपर्क : ९३५६९७३४२७

राष्ट्रीय एफपीओ धोरण : शासकीय योजना आणि वित्तसाह्य
केंद्र सरकारने शेतकरी उत्पादक संस्था (एफपीओ) चळवळीला एक नवी दिशा देण्यासाठी राष्ट्रीय एफपीओ धोरणाचा मसुदा तयार केला आहे. या धोरणामुळे एफपीओंना योग्य मार्गदर्शन मिळणार आहे, ज्यामुळे त्यांचे व्यवसाय अधिक सक्षम, मजबूत आणि टिकाऊ होऊ शकतात. नव्या धोरणामुळे एफपीओंना आवश्यक साधनसुविधा, वित्तसाह्य, बाजारजोडणी, अन्नप्रक्रिया आणि दूध उत्पादनासाठी सरकारी मदतीचे लाभ मिळणार आहेत. याशिवाय महिलांसाठी सक्षमीकरणाची योजना तसेच तंत्रज्ञानाच्या वापरामुळे एफपीओंना कार्यक्षम बनवण्यात मदत होईल. याबाबत बुधवार, ३० जुलै रोजी आयोजित केलेल्या ऑनलाइन प्रशिक्षणामध्ये या नव्या धोरणाबद्दल सखोल माहिती मिळणार आहे. प्रशिक्षणात राष्ट्रीय एफपीओ धोरणाचा मसुदा, केंद्र सरकारचा २०२५-२६ चा अर्थसंकल्प, एफपीओंसाठी नव्या योजनांचा समावेश, तसेच वायदे बाजारातील नवीन संधी यांसारख्या महत्त्वाच्या मुद्द्यांवर मार्गदर्शन करण्यात येणार आहे.
संपर्क : ९१५६०१००६०, ८९५६७१२६३१