कामगाराकडून महिलेचा विनयभंग

रसायनी, ता. २९ (बातमीदार) : रसायनीतील भोकरपाडा येथील एका सोसायटीत फिनिशिंगचे काम करणारा कामगार घरात घुसून एका महिलेचा विनयभंग केल्याचा प्रकार शुक्रवारी (ता. २८) घडली. याप्रकरणी रसायनी पोलिस ठाण्यात गुड्डू भोला यादव (रा. कल्याण ठाणे) याच्याविरोधात गुन्हा दाखल करण्यात आला आहे.
हिरानंदानी फॉच्युर्न सोसायटी, भोकरपाडा येथे ३६ वर्षीय पीडित महिला त्यांच्या घरात एकट्याच बेडवर झोपल्या होत्या. त्यांचे शेजारी फ्लॅट नं. ४०२ मध्ये फिनिशिंगचे काम सुरू होते. गुड्डू हा पीडित महिलेच्या खोलीच्या बाल्‍कनीचे स्लायडिंगच्या खिडकीतून प्रवेश करून बेडरूममध्ये आला. या वेळी त्या झोपल्या असताना तो बेडवर त्यांच्याशेजारी बसला आणि मांडीवर हात ठेवून अंगलट करू लागला. याप्रकरणी रसायनी पोलिस ठाण्यात यादवविरोधात तक्रार दाखल करण्यात आली आहे. अधिक तपास वरिष्ठ पोलिस निरीक्षक अश्वनाथ खेडकर यांच्या मार्गदर्शनाखाली सुरू आहे.