रसायनी-पाली एसटी बंद असल्‍याने प्रवाशांची गैरसोय

रसायनी-पाली एसटी बंद असल्‍याने प्रवाशांची गैरसोय

रसायनी, ता. १८ (बातमीदार) : रसायनीमार्गे कर्जत-पाली एसटी नसल्यामुळे पालीमध्ये जाणारे प्रवासी आणि गणेशभक्तांची तसेच मार्गालगतच्या गावातील नागरिकांची गैरसोय होत आहे. कर्जत एसटी आगाराच्या वतीने दांड, रसायनी, पेण आणि नागोठणे मार्गावरून पाली एसटी सुरू करण्यात यावी, अशी मागणी प्रवाशांनी केली आहे. काही वर्षापूर्वी दांड-रसायनी मार्गावरून कर्जत-पाली एसटी बस सुरू होती. त्या वेळी कमी प्रवासी भारमानाचे कारण पुढे करून प्रशासनाने एसटी बंद केली. दरम्यान मार्गावरील लोकवस्‍ती, उद्योग-व्यवसाय वाढल्‍याने प्रवाशांची वर्दळही वाढली आहे. एसटी बंद असल्‍याने अनेकांना खासगी वाहतुकीचा आधार घ्‍यावा लागतो. त्‍यामुळे कर्जत, पाली, रसायनी, पेण आणि नागोठणे या मार्गावरून एसटी पुन्हा सुरू करावी, अशी मागणी रसायनीतील ज्येष्ठ नागरिक संघाचे माजी अध्यक्ष किशोर मोडक यांनी केली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com