वासांबे मोहोपाडा परिसरात जनावरांचे लसीकरण

वासांबे मोहोपाडा परिसरात जनावरांचे लसीकरण

रसायनी, ता. १० (बातमीदार) : रसायनीतील वासांबे मोहोपाडा येथील पशु वैद्यकीय दवाखान्या अंतर्गत गावातील गाय वर्गातील जनावरांना लंपी प्रतिबंध लस देण्याच येत आहे. गतवर्षी गाय वर्गातील जनवांराना लंपीची बाधा झाली होती. यात वासांबे मोहोपाडा परिसरात एक जनावरांचा मृत्यू झाला होता आणि काही जनावरे बाधित झाली होती. दरम्यान यंदा खबरदारी म्हणून जुलै महिन्यात शासनाच्या सर्व पशुवैद्यकीय दवाखान्यांनी लंपी चर्म रोग नियंत्रण लस देण्याचा उपक्रम हाती घेतला आहे. यासाठी पंचायत समितीकडून लसीकरणाचा पुरवठा करण्यात आलेला असून, मोठ्या प्रमाणात लसीकरण करण्यावर भर देण्यात येत आहे. यावेळी लसीकरणासाठी पशुपालकांनी आपल्या नजीकच्या पशुवैद्यकीय दवाखान्यास संपर्क साधावा, तसेच गावातील लसीकरण मोहिमेदरम्यान आपली गाय वर्गीय जनावरे गोठ्यात बांधून ठेवावीत व त्यांना आवश्यक लसीकरण करून घ्यावे, असे आवाहन वासांबे मोहोपाडा येथील पशुधन अधिकारी प्रशांत कोकरे यांनी पशुपालकांना केले आहे. दरम्यान वासांबे मोहोपाडा पशुवैद्यकीय दवाखानाला ३०० लंपी लस प्राप्त झाली आहे, आतापर्यंत ६७ गाय, २४ बैल व ९ वासरे आशी एकुण शंभर जनवांराना लस दिली आहे. असे डॉ. कोकरे यांनी सांगितले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com