अंधेरी येथील पर्यटकाचा धरणात बुडून मृत्यू

अंधेरी येथील पर्यटकाचा धरणात बुडून मृत्यू
रेवदंडा, ता. १३ (बातमीदार) : मुरूड तालुक्यातील फणसाड धरणात रविवारी (ता. १३) एका पर्यटकाचा बूडून मृत्यू झाला. अंधेरी येथील काही जणांचा समूह वर्षासहलीसाठी येथील फणसाड धरण परिसरात आला होता. यामधील साहिल रणदिवे (वय २४) हा या धरणात पोहण्यासाठी उतरला होता, मात्र त्याला पाण्याचा अंदाज न आल्याने त्याचा बुडून मृत्यू झाला. याप्रकरणी रेवदंडा पोलिस ठाण्यात दीपक पांचाळ (वय ५०) यांनी फिर्याद दाखल केली आहे. साहिल याचा मृतदेह सापडला असून, पोलिसांनी याप्रकरणी अकस्मात मृत्यूची नोंद केली आहे. या प्रकरणाचा अधिक तपास सहाय्यक पोलिस निरीक्षक श्रीकांत किरवले यांच्या मार्गदर्शनाखाली करण्यात येत आहे.