मारहाण प्रकरणात सातजणांवर गुन्हा

रेवदंडा, ता. ३ (बातमीदार) : गावातील वर्दळीच्या रस्त्यावर अंगावर थुंकल्याच्या रागातून झालेली मारहाणीत सात जणांवर गुन्हा दाखल करण्यात आला आहे. रेवदंडा-अलिबाग रस्त्यावर शुक्रवारी (ता. १) दुपारी साडेचारच्या सुमारास हा प्रकार घडला.
चौलवरून रेवदंडा गावात दुचाकीवरून येणारे अभिषेक कदम यांच्या अंगावर अभिषेक तांबडकर थुंकला होता. याचा जाब विचारल्याने दोघांमध्ये शाब्दिक झाली. त्यानंतर तांबडकर यांनी मित्रांना बोलावून अभिषेक कदमला मारहाण केली होती. याप्रकरणी रेवदंडा पोलिस ठाण्यात ओमकार तांबडकर, प्रमोद म्हात्रे, अनिकेत सांवत, जयेश शेणवीईकर, जयवंत शेणवीईकर, अभिषेक तांबडकरविरोधात शनिवारी (ता. २) भारतीय न्याय संहिता कलम २०२३चे कलम १८९(२),१९१(२) ६(२),११८,(१)११५(२),३५२,३५१(२) ३२४(४) प्रमाणे गुन्हा दाखल केला आहे. या घटनेत कोणालाही अटक करण्यात आलेली नाही.