पीओपी,मूळे प्रदुर्षण होते ही भीती दाखवणारे संकट दूर करणे हे आमचे कर्त्याव्यच होतेः सांस्कृतिक मंत्री आशिष शेलार

पीओपी नावाचे संकट दूर करणे हे आमचे कर्तव्यच
सांस्कृतिक मंत्री आशीष शेलार
वडखळ, ता. २० (बातमीदार) ः आज लाखो गणेश मूर्तिकार माझे आभार मानण्यासाठी आणि माझा सत्कार करण्यासाठी येथे आले आहेत. मात्र पीओपीमुळे प्रदूषण नावाची भीती दाखवणारे संकट दूर करणे हे आमचे कर्तव्यच होते, असे सांस्कृतिक मंत्री आशीष शेलार यांनी म्हटले आहे. पेण येथे आयोजित सत्कार सोहळ्यात ते बोलत होते.
पीओपीच्या नावाखाली पर्यावरण दूषित होतेय, असे सांगण्यासाठी काही मंडळींना पोटशूळ उठले होते. त्यांना उलथवून टाकण्यासाठी आम्ही उच्च न्यायालयात लढा दिला आणि प्रदूषण होत नाही हे पटवून दिले. त्यासाठी मुख्यमंत्री देवेंद्र फडणवीस आणि पंतप्रधान नरेंद्र मोदी यांनी योग्य मार्गदर्शन केले. त्यामुळेच पीओपी नावाचे संकट पूर्णपणे बाजूला करू शकलो. याचा आम्हाला आनंद आहे, असे आशिष शेलार यांनी म्हटले आहे. पीओपी मूर्तीमूळे प्रदूषण किती होते याचा शोध कोणीही घेऊ शकले नाही. अजूनही विरोधक सण, उत्सवाच्या विरोधात प्रयत्न करीत आहेत, मात्र आम्ही त्यांना पुरून उरू, असेही शेलारांनी येथे स्पष्ट केले.
प्लास्टर ऑफ पॅरिसच्या मूर्तींवरील बंदी शिथिल केल्याबद्दल आशीष शेलार यांचा सत्कार हमरापूर विभाग गणेश उत्कर्ष मंडळातर्फे पेण तालुक्यातील तांबडशेत येथे करण्यात आला. या वेळी खासदार धैर्यशील पाटील, आमदार रवि पाटील, आमदार प्रशांत ठाकूर, आमदार महेश बालदी, नीलिमा पाटील, चित्रा पाटील, वैकुंठ पाटील, मूर्तिकार संघटनेचे अध्यक्ष अभय म्हात्रे, मूर्तिकार संघटनेचे पदाधिकारी, अभय म्हात्रे, कुणाल पाटील, नितीन मोकल, हितेश जाधव, सुनील पाटील आदी उपस्थित होते.

लाखो गणेशमूर्ती
कारखानदारांचा व्यवसाय ज्यावर आधारित होता त्यावर पीओपी नावाचे संकट आले होते. ते संकट दूर केल्याबद्दल
आशीष शेलार यांचा जाहीर सत्कार करणे हे आद्य कर्तव्य आहे. तसेच त्यांनी महाराष्ट्रातील १२ गडकिल्ल्यांना जागतिक दर्जा मिळवून दिल्याबद्दल त्यांचे आभार, असे खासदार धैर्यशील पाटील यांनी सांगितले.

फोटोओळ : आशीष शेलार यांचा सत्कार करताना हमरापूर विभाग गणेश उत्कर्ष मंडळाचे पदाधिकारी
तांबडशेत येथे हमरापूर विभाग गणेश उत्कर्ष मंडळातर्फे आयोजित सत्कार समारंभात बोलताना मंत्री आशीष शेलार