गडब येथील क्रिकेट स्‍पर्धेला प्रतिसाद

गडब येथील क्रिकेट स्‍पर्धेला प्रतिसाद
वडखळ, ता. ४ (बातमीदार) : गडब येथे डॅडी इलेव्हन आणि मिस यू जम्बो गडब यांच्या संयुक्त विद्यमाने आयोजित करण्यात आलेल्या खुल्या क्रिकेट स्पर्धेत डॅडी इलेव्हन, मिस यू जम्बो गडब संघाने उत्कृष्ट खेळाचे प्रदर्शन करत विजेतेपद पटकावले. या स्पर्धेमुळे परिसरातील क्रिकेटप्रेमींमध्ये मोठा उत्साह पाहायला मिळाला. या चुरशीच्या स्पर्धेत प्रथम क्रमांक डॅडी इलेव्हन मिस यू जम्बो संघाने मिळविला, तर द्वितीय क्रमांक नवेनगर खारपाले संघाने पटकावला. तृतीय क्रमांक डी. एम. सी. खारपाले संघाला, तर चतुर्थ क्रमांक वीर हनुमान ढोंबी संघाला मिळाला. स्पर्धेदरम्यान अनेक सामन्यांमध्ये अटीतटीचे क्षण पाहायला मिळाले असून, खेळाडूंनी आपल्या कौशल्याचा पुरेपूर प्रत्यय दिला. वैयक्तिक कामगिरीच्या आधारे नवेनगर संघाचा बंटी याला उत्कृष्ट खेळाडूचा पुरस्कार देण्यात आला. गडब संघाचा बाब्या पाटील याने फलंदाजीमध्ये उल्लेखनीय कामगिरी करत उत्कृष्ट फलंदाजाचा मान मिळविला. गोलंदाजीमध्ये प्रभावी मारा करणाऱ्या विशाल पवारा (गडब) याला उत्कृष्ट गोलंदाज पुरस्काराने गौरविण्यात आले, तर उत्कृष्ट क्षेत्ररक्षक म्हणून प्रथमेश (खारपाले) याची निवड करण्यात आली.