गडब येथे नरसिंह सरस्वती महाराज पुण्यतिथी महोत्सव

गडब येथे नरसिंह सरस्वती महाराज पुण्यतिथी महोत्सव
वडखळ, ता. ५ (बातमीदार) ः गडब येथील एकमुखी दत्त अवतार श्री नृसिंह सरस्वती स्वामी मंदिरात नरसिंह सरस्वती महाराजांचा पुण्यतिथी महोत्सव भक्तिभावाने साजरा करण्यात आला. स्वर्गीय परमपूज्य रामदास बाबा यांच्या प्रेरणेने या महोत्सवाचे आयोजन करण्यात आले होते. यानिमित्त सद्गुरू ध्वजपूजन, अभिषेक, कलशपूजन तसेच ह.भ.प. सद्गुरू सदाशिव खरे महाराज यांच्या हरिपाठाचे आयोजन करण्यात आले. ह.भ.प. कलावतीताई शिवकर यांचे कीर्तन व श्री सिद्धिविनायक प्रासादिक संगीत भजन मंडळाचे भजन कार्यक्रम झाले. कार्यक्रमास भाविकांची मोठी उपस्थिती होती.