Ulhasnagar News: स्पर्धा परीक्षांसाठी विद्यार्थ्यांना डॉ.बाबासाहेब आंबेडकर यांच्या जीवनावरील पुस्तके!

Ulhasnagar News: स्पर्धा परीक्षांची तयारी करणाऱ्या उल्हासनगरातील विद्यार्थ्यांना भारतरत्न डॉ.बाबासाहेब आंबेडकर यांच्या जीवनावरील पुस्तकांचे वाटप करण्याचा आगळावेगळा कार्यक्रम महापालिका आयुक्त अजीज शेख यांच्या हस्ते पार पडला.

महानगरपालिकेची डॉ.बाबासाहेब आंबेडकर अभ्यासिका असून त्यात विद्यार्थी स्पर्धा परीक्षेच्या अभ्यासासाठी येत असतात.याच अभ्यासिकेतून तरुण तरुणी ह्या आयएएस,पोलीस,तलाठी अशा शासकीय सेवेत रुजू झाले आहेत.विद्यमान घडीला अभ्यासिकेमध्ये येणाऱ्या विद्यार्थ्यांच्या ज्ञानात भर पडावी आणि स्पर्धा परीक्षेत कामी यावीत या सकारात्मक उद्देशाने भारतरत्न डॉ.बाबासाहेब आंबेडकर यांच्या जयंतीनिमित्त त्यांच्या जीवनावरील पुस्तकांचे वाटप आयुक्त अजीज शेख यांच्या हस्ते करण्यात आले.(ulhasnagar municipal corporation)

अजीज शेख यांनी एमपीएससी,यूपीएससी च्या विद्यार्थ्यांना र्मार्गदर्शन करून त्यांच्या समस्या ऐकून घेतल्या.तसेच विद्यार्थ्यांनी केलेल्या माणगीनुसार त्यांना मासिके,वर्तमानपत्र,संगणक व वायफाय सुविधा देण्याचे आश्वासन दिले.

याप्रसंगी महापालिका सचिव प्राजक्ता कुलकर्णी,जनसंपर्क अधिकारी छाया डांगळे,सिस्टीम अनालिस्ट श्रद्धा बाविस्कर,भांडार विभाग प्रमुख अंकुश कदम आदी उपस्थित होते.