Ulhasnagar News: राजकीय समीकरणं बदलणार? 'कायद्याने वागा'ने निवडणुकीसाठी कंबर कसली!

Ulhasnagar news: महानगरपालिकेत सुरू असलेली कंत्राटी कामगारांची पिळवणूक थांबवण्यासाठी आंदोलने करणाऱ्या,नागरी समस्यांना हात घालून अनेक समस्या मार्गी लावणाऱ्या उल्हासनगरातील 'कायद्याने वागा' लोकचळवळने येणाऱ्या महानगरपालिका निवडणुकीसाठी कंबर कसली आहे.

कायद्याने वागा लोकचळवळीचे प्रणेते राज असरोंडकर यांनी डॉ.बाबासाहेब आंबेडकरांच्या जयंतीनिमित्त आयोजित केलेल्या 'संकल्प लोकशाही प्रस्थापनेचा' या कार्यक्रमात येत्या पालिका निवडणुकीत शहरातील सर्व प्रभागात निवडणूक लढवण्याची घोषणा केली आहे.

लोकचळवळीचे शहर अध्यक्ष प्रदीप कपूर यांच्या पुढाकाराने संकल्प लोकशाही प्रस्थापनेच्या कार्यक्रमाचे आयोजन करण्यात आले होते.प्रणेते राज असरोंडकर प्रमुख मार्गदर्शक होते.राज्य संघटक राकेश पद्माकर मीना यांनी 'संकल्प लोकशाही प्रस्थापनेचा.

या कार्यक्रमा मागची भूमिका स्पष्ट केली.माध्यम समन्वयक प्रफुल केदारे संपूर्ण चर्चेचे सूत्रधार होते.यावेळी मंगला मुजुमदार यांची प्रभाग क्रमांक 18 च्या अध्यक्षपदी निवड करण्यात आली.

वालधुनी नदी,भ्रष्टाचार,प्रदुषण,प्रशासनिक अव्यवस्था,अनधिकृत बांधकामे,नियोजनशून्य विकास, अनारोग्य अशा विविधांगी मुद्यांवर संदेश मुकणे,शशिकांत दायमा,संजय वाघमारे,ॲड.वनिता ओवळेकर,प्रा.सिंधु रामटेके,अनिल शर्मा,उमेश देबनाथ,मुकेश माखिजा,कुमार रेड्डीयार,अभिजीत मोंडल,अरिदीप जाना,प्रकाश भोसले,ललित कवात्रा,राहुल परब,शैलेंद्र रुपेकर अशा अनेकांनी आपापली मतं व्यक्त केली.

उपस्थितांच्या चर्चेला उत्तर देताना राज असरोंडकर म्हणाले की सामाजिक कार्यकर्त्यांनी समस्यांविरोधात लढत राहायचं आणि समस्यांना जबाबदार प्रवृत्तींना लोकांनी निवडून द्यायचं,हे आता थांबवलं पाहिजे.

यापुढे आपण तक्रारी करणाऱ्यांच्या नव्हें तर तक्रार निवारकांच्या भूमिकेत आलं पाहिजे.त्यासाठी निवडणुका हा प्रभावी मार्ग आहे.त्यासाठी शहरातील नागरिकांकडून शिफारशी मागवण्यात येणार असून त्यातून उमेदवारांची निवड व त्यांचं प्रशिक्षण घेण्यात येणार आहे.

हा खऱ्या अर्थाने डाॅ.बाबासाहेब आंबेडकरांना अपेक्षित लोकशाही प्रस्थापित करण्याचा प्रयत्न आहे.सामान्य जनतेची सत्ता आणणार !असं प्रतिपादन राज असरोंडकर यांनी केले.