उल्हासनगर - अर्थसंकल्पात पाणीपट्टी दरात अल्पशा वाढ करणाऱ्या उल्हासनगर महानगरपालिकेने 1 एप्रिल 2025 पासून टँकरसाठी रुपये मोजावे लागणारे दरपत्रक जाहीर केले आहे. त्यामुळे टॅंकर मोफत मिळणार नाही असे स्पष्ट झाले आहे.
महानगरपालिकेचे जनसंपर्क अधिकारी अजय साबळे यांनी उल्हासनगर महानगरपालिका क्षेत्रातील नागरीकांना आवाहन करताना 10 हजार लिटर क्षमतेच्या टँकरसाठी एक हजार रुपये, 7 हजार लिटर क्षमतेच्या टँकरसाठी 750 रुपये आणि 10 हजार लिटर क्षमतेचा टॅंकर भरून देण्यासाठी 350 रुपये व 7 हजार लिटर क्षमतेचा टॅंकर भरून देण्यासाठी 300 रुपये आकारण्यात येणार असे दरपत्रक जाहीर केले आहे.
पाण्याचा गैरवापर टाळावा आणि पाणी जपुन वापरावे" व महापालिका प्रशासनास सहकार्य करावे असे आवाहन देखील जनसंपर्क अधिकारी अजय साबळे यांनी केले आहे.
दरम्यान पाण्यासाठी आंदोलने सुरू झालेली असून, श्रीराम नगर येथील रहिवाशांनी पाण्याच्या टाकीखाली ठिय्या आंदोलन करून, स्वराज्य संघटनेचे अध्यक्ष ॲड. जय गायकवाड यांनी मोर्चा काढून, शिवसेनेचे सोनू चानपूर यांनी उपोषण करून आंदोलनाची सुरवात केली आहे.
टॅंकर दर पत्रकाचा समाचार घेणार असे कायद्याने वागा लोकचळवळचे अध्यक्ष राज असरोंडकर यांनी जाहीर केले आहे. एप्रिल आणि मे महिने हे घसा कोरडा करणारे असल्याने या दोन महिन्यात पाणी प्रश्न पेट घेणार हे देखील निश्चित मानले जात असून, त्यात टॅंकर आता मोफत ऐवजी त्याचे पैसे मोजावे लागणार असल्याने माजी लोकप्रतिनिधी, समाजसेवक विरोध करणार असे चित्र दिसू लागले आहे.
दरम्यान यासंदर्भात जनसंपर्क अधिकारी अजय साबळे यांच्याशी विचारणा केली असता, पूर्वी उल्हासनगरात मोफत टॅन्कर पुरवण्यात येत होता. ड्रायव्हर, डिझेल याचा खर्च वाढत होता. याशिवाय पाण्याचा अपव्यय होत होता त्यामुळे ना नफा ना तोटा या धर्तीवर टॅन्करचे दर पत्रक जाहीर करण्यात आल्याचे साबळे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.