Virar News : उत्तर भारतीयांची मते कोणाला? यावर वसई विरारमध्ये घडताहेत चर्चा

विरार - वसई विरार मधली राजकीय स्थिती विधानसभा निवडणुकी नंतर बदलली आहे. पूर्वी वसई, नालासोपारा आणि बोईसर या तीन मतदार संघावर बहुजन विकास आघाडीचे वर्चस्व राहिले होते. परंतु आता मात्र तिन्ही जागेवर भाजपचा प्रभाव झाल्याने येणाऱ्या महानगरपालिका निवडणुकीत उत्तर भारतीयांची मते कोणाला? यावर आता पासूनच राजकीय चर्चा रंगू लागल्या आहेत. .वसई विरारच्या तुलनेत सगळ्यात जास्त उत्तरभारतीय हे नालासोपारा विभागात आहेत. विधानसभेच्या निवडणुकीत यावेळी उत्तर भारतीयांनी भाजपला साथ दिल्याने येणाऱ्या पालिका निवडणुकीत हि मते भाजपलाच मिळणार असल्याचे भाजपचे कार्यकर्ते सांगत आहेत.मागच्या पालिका निवडणुकीत मात्र भाजपचा एकमेव चेहरा निवडून आला होता. तो किरण भोईर होता. तर सत्ताधारी बहुजन विकास आघाडीतून ५ नगरसेवक निवडून आले होते. बहुजन विकास आघाडीच्या राजकारणाचा फॉक्स हा सर्वसमावेशक राहिला आहे..थोडक्यात त्यांनी वसई विरार मध्ये सोशल इंजिनीरिंगचा प्रयोग यशस्वी केल्यानेच मागच्या निवडणुकीत त्यांना ११५ पैकी १०७ जागा मिळाल्या होत्या. त्यांच्याकडे जात पाट बघून तिकिटे दिली जात नाहीत म्हणूनच गेल्या निवडणुकीत मुसलमान नगरसेवकांची संख्या हि ७ होती.अनेक उत्तर भारतीयांना वेगवेगळी पदे बविआ ने दिली होती तरी विधान सभेत मात्र त्यांना फटका बसला होता. त्यामुळे येणाऱ्या निवडणुकीत उत्तर भारतीय समाज हा भावा बरोबर पुन्हा उभा राहतो कि, भाजपकडे वळतो यावरच पालिका निवडणुकीची गणिते ठरणार आहेत..बविआ आणि भाजप नंतर उत्तर भारतीयांची मते हि दोन्ही शिवसेनेकडे हि आहेत. या निवडणुकीत वसई विरार मध्ये भाजप महायुती म्हणून लढणार कि स्वतंत्र हे अजूनही गुलदस्त्यात आहे. निवडणुकीपूर्वीच एकनाथ शिंदेच्या शिवसेनेने महापौर शिवसेनेचा असे जाहीर केल्याने महायुती होणार का? यावरही चर्चा रंगत आहेत.जर महायुती झाली नाही तर उत्तर भारतीयांची मते विभागली जाऊन त्याचा फायदा बविआला होणार असल्याचे राजकीय निरीक्षक सांगत आहेत. महानगरपालिकेच्या स्थापने नंतर झालेल्या पहिल्या निवडणुकीत विरोधकांचे २१ नगरसेवक निवडून आले होते. पण त्यानंतरच्या निवडणुकीत विरोधकांनी दोन अंकी आकडा गाठला नव्हता..त्यामुळे यावेळी मात्र भाजपने महानगरपालिकेच्या निवडणुकीसाठी जोर लावल्याचे दिसत आहे. त्यासाठी व्हीसीवर देवेंद्र प्रसन्न झाले असून अनेक आश्वासनाचा पूर याठिकाणी येत आहे. त्याचा कितपत फायदा भाजप उचलते हे बघण्या सारखे असणार आहे. उत्तर भारतीयांची मते एकगट्टा कोणाकडे जातात कि त्याचे विभाजन होते यावर भाजपच्या विजयाची गणिते ठरणार आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.