विक्रेते, नागरिकांकडून मास्क वापराकडे दुर्लक्ष; हलगर्जीपणा अंगलट येण्याची शक्‍यता 

ठाणे : कल्याण-डोंबिवली शहरात लॉकडाऊन टप्प्याटप्प्याने शिथिल करीत प्रशासनाने दुकाने खुली करण्यास तसेच फेरीवाल्यांनाही व्यवसाय करण्यास परवानगी दिली आहे. मात्र या विक्रेत्यांना व नागरिकांनी बाजारात मास्क परिधान करुन सोशल डिस्टसिंग पालन करावे, अशी सक्त ताकीद प्रशासनाकडून देण्यात आली आहे. मात्र असे असतानाही अनेक विक्रेत्यांसह नागरिक या नियमांचे उल्लंघन करत आहे. मात्र हा हलगर्जीपणा त्यांच्यात अंगलट येण्याची शक्‍यता नाकारता येत नाही. 

मध्य रेल्वेकडून मुंबईतील लोकल सुरु करण्याबाबत आली महत्त्वाची बातमी

कल्याण-डोंबिवली महापालिका हद्दीत लॉकडाऊन शिथिल केल्याने मोठ्या संख्येने नागरिक आता घराबाहेर पडू लागले आहेत. पालिका आयुक्त डॉ. विजय सूर्यवंशी यांनी मास्क न बांधता बाहेर फिरणाऱ्या व्यक्तींवर कारवाई करण्याचे आदेश दिले आहेत. त्यानुसार प्रभाग निहाय अधिकाऱ्यांनी आणि कर्मचाऱ्यांनी कारवाईही केली. परंतू या कारवाईचा धाक राहिला नसल्याचे दिसून येत नाही. पालिका प्रशासनाच्या वतीने सर्व प्रभागातील फेरिवाल्यांची कोरोना चाचणी करण्यात आली असून, यातील काही फेरीवाल्यांचा अहवाल हा कोरोना पॉझिटिव्ह आलेला आहे. असे असतानाही अनेक फेरीवाले बाजारात मास्क न लावता विक्रीसाठी बसत असल्याचे दिसून येते. 

रिया चक्रवर्तीने वडिलांचा आणि वॉचमनचा व्हिडिओ शेअर करत केली सुरक्षेची मागणी, मात्र तासाभराने वॉचमनचा व्हिडिओ केला डिलीट - 

पुन्हा जैसे थे परिस्थिती 
शहरातील दुकाने दररोज सुरु करण्याची परवानगी दुकानदारांना देण्यात आली. त्यानंतर दोन दिवस शहरात सकाळ संध्याकाळच्या सुमारास पालिकेची गाडी फिरली. स्थानक परिसरात गर्दी करु नका, सामाजिक अंतर राखा, मास्क वापरा अशा सूचना नागरिकांना या गाडीतून केल्या गेल्या. मात्र परिस्थिती पुन्हा जैसे थे झाली असून, नागरिक-विक्रेते सुरक्षिततेच्या उपाययोजनांकडे कानाडोळा करीत असल्याचे दिसून येत आहे. 

दिवसभर मास्क लावून बसणे शक्‍य नाही, श्वास घेताना थोडा अडथळा येतो. तसेच इतके दिवस व्यवसाय ठप्प होता, आता व्यवसाय सुरु झाल्याने ग्राहकांना आवाज देताना, किंवा त्यांना किंमती सांगताना मास्कचा अडथळा निर्माण होतो. मास्क लावलेला असल्याने धाप लागल्यासारखे होते. 
- रिंकू प्रजापती,
विक्रेते. 

दुपारच्या वेळी नागरिकांची गर्दी कमी असते, त्यादरम्यान आम्ही मास्क परिधान करीत नाही. सकाळच्यावेळी बाजारात गर्दी असते. तेव्हा मात्र नियमांचे पालन करतो. सतत दिवसभर मास्क लावणे शक्‍य नाही. त्यामुळे चक्कर आल्यासारखे किंवा थकवा आल्यासारखे होते. त्यामुळे मधून-मधून मास्क काढून ठेवतो. 
- विलास कांबळे,
विक्रेता. 

--------------------------------------------------------

( संपादन - तुषार सोनवणे )