Mumbai News : वर्सोवा नौका दुर्घटना; बेपत्ता मच्छीमाराचा सापडला मृतदेह

मुंबई - अंधेरीच्या वर्सोवा समुद्रकिनाऱ्या लगतच्या समुद्रात मासेमारीसाठी गेलेल्या मच्छीमारांची बोट बुडून तीन जण बेपत्ता झाले होते. या घटनेत बेपत्ता झालेला तिसऱ्या मच्छीमार उस्मानी भंडारी याचा मृतदेह मंगळवारी सकाळी वर्सोवा समुद्रकिनाऱ्यावर सापडला. शनिवारी रात्री घटना घडल्यानंतर या पूर्वी इतर दोन मच्छीमारांचे मृतदेह यंत्रणांना शोधकार्यात मिळाले होते.

वर्सोवा भागातून 5 ऑगस्ट शनिवारी रात्री 8 च्या सुमारास मासेमारी करण्यासाठी 3 मच्छीमार नौका घेऊन समुद्रात गेले होते. परंतु दुर्घटना घडत या तिघांची नौका समुद्रात ही बोट बुडाली.त्यानंतर कसे बसे करत नौकेत असलेले विजय बामणिया यांनी पोहत समुद्रकिनारा गाठला. मात्र अन्य 2 मच्छीमार बेपत्ता होते. या घटनेनंतर अग्निशमन दल व इतर यंत्रणांनी बेपत्ता मच्छीमारांचे शोधकार्य सुरू केले.

अखेर बेपत्ता झालेल्या दोघांपैकी विनोद गोयल यांचा मृतदेह रविवारी सायंकाळी जुहू चौपाटीवर आढळला. तर उस्मानी भंडारी याचा मृतदेह मंगळवारी सकाळी वर्सोवा समुद्रकिनाऱ्यावर सापडला. उस्मानीचे पार्थिव शवविच्छेदनासाठी कांदिवली येथील शताब्दी रुग्णालयात पाठविण्यात आले आहे.