Mumbai Local News: फुकट्यांची नाकेबंदी; एका दिवसात ७४७ प्रवाशांवर कारवाई

Railway News: पश्चिम रेल्वेने पुन्हा फुकट्या प्रवाशांची नाकेबंदी सुरू केली आहे. मंगळवारी मालाड रेल्वे स्थानकावर २८ तिकीट तपासणी कर्मचाऱ्यांच्या पथकाने ७४७ फुटक्या प्रवाशांवर कारवाई केली आहे. ज्याद्वारे तब्बल दोन लाख २ हजार रुपये एवढा दंड वसूल करण्यात आला आहे.

पश्चिम रेल्वेच्या उपनगरीय लोकलने दररोज लाखो प्रवासी ये-जा करतात. त्यामुळे लोकल गाड्यांसह रेल्वे स्थानकात मोठी गर्दी असते. त्यामुळे अनेकजण विना तिकीट प्रवास करत असल्याने रेल्वेचा महसूल बुडतो.

त्यापार्श्वभूमीवर पश्चिम रेल्वेने मंगळवारी मालाड स्थानकात २८ तिकीट तपासणीस आणि २ आरपीएफ आणि महाराष्ट्र सुरक्षा बलाच्या ५ जवानांच्या सहकार्याने दिवसभर धडक मोहिम राबवली.

त्यामध्ये ७४७ विनातिकीट प्रवाशांना पकडत त्यांच्याकडून २ लाख २ हजार रूपयांचा दंड वसूल केला आहे. दरम्यान प्रवाशांनी अधिकृत तिकीट घेऊनच प्रवास करावा असे आवाहन पश्चिम रेल्वेने केले आहे.