मुंबई , चेंबूर, ता.24 : कोरोनाबाधित महिलेला क्वारंटाईनसाठी रुग्णालयात ठेवले असताना महिलेच्या घरी चोरट्यांनी हात साफ केल्याची घटना गुरुवारी (ता. 23) घडली. घरातील रोख रक्कम चोरट्यांनी लंपास केली आहे. याप्रकरणी टिळकनगर पोलिस ठाण्यात गुन्हा दाखल झाला असून पोलिस पुढील तपास करत आहेत.
चेंबूर येथील पी.एल लोखंडे मार्गावरील झोपडपट्टीत कोरोना बाधितांचे मोठे प्रमाण आहे. अनेक कुटुंबातील सर्वांना क्वॉरोनटाईन कक्षात ठेवल्याने येथील घरे बंद आहेत. येथील मुकुंदनगर परिसरात महात्मा फुले चाळीत राहणाऱ्या कोरोनाबाधित महिलेला काही दिवसांपूर्वीच पालिकेने जॉय रुग्णालयात क्वॉरोनटाईनसाठी दाखल केले होते.
महिलेचे वडील, भाऊ व इतर सदस्यांना चेंबूरमधील एका एसआरए इमारतीत क्वारंटाईन कक्षात ठेवले आहे. त्यामुळे घर कित्येक दिवसापासून बंद आहे. याचा फायदा घेत गुरूवारी रात्री चोरट्यांनी घरातील कपाट फोडून त्यातील रोख रक्कम 10 हजार रुपये लंपास केले. चोरीबाबत महिलेच्या बहिणीला माहिती मिळताच त्यांनी टिळक नगर पोलिस ठाण्यात तक्रार केली.
when full family was in quarantine center house was looted in chembur area
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.