Women's Day Special: महिला दिनानिमित्त महिलांसाठी विशेष लसीकरण केंद्र

मुंबई: महिला दिनानिमित्त फक्त महिलांसाठी प्रत्येक जिल्ह्यात कोरोना लसीकरण केंद्र सुरू करण्याचा निर्णय राज्य सरकारने घेतला आहे. राज्यात 189 लसीकरण केंद्र कार्यान्वित करण्यात आली आहेत.

राज्यात कोरोना प्रतिबंधात्मक लसीकरण सुरू आहे. आज महिला दिनाच्या निमित्ताने प्रत्येक जिल्ह्यात महिलांसाठी पाच विशेष लसीकरण केंद्र सुरू करण्यात आली आहेत.  त्याठिकाणी फक्त महिलांसाठी लसीकरणाची व्यवस्था करण्यात आली आहे. राज्यात अशी एकूण 189 महिला विशेष केंद्र सुरू असून त्यातील सर्वाधिक 19 केंद्र ही ठाणे जिल्ह्यात आहेत.

मुंबई विभागातल्या ताज्या बातम्या वाचण्यासाठी येथे क्लिक करा.

लसीकरणाच्या तिसऱ्या टप्प्याला सुरुवात झाली आहे. सरकारी रुग्णालयांसह खासगी रुग्णालयांत लसीकरणासाठी लाभार्थींची गर्दी होत आहे. त्यात ज्येष्ठ नागरिक तसेच दीर्घकालीन आजार असणाऱ्या लाभार्थींना लस देण्यात येत असल्याने त्याची ही संख्या अधिक आहे. यात महिलांना मोठ्या त्रासाला सामोरे जावे लागत आहे. ही अडचण लक्षात घेऊन सरकारने हा निर्णय घेतला.

हेही वाचा- Mumbai temperature Update: मुंबईत "वॉर्म संडे" किमान तापमान मात्र "कूल" 

------------------

(संपादन- पूजा विचारे)

Womens Day state government decided corona vaccination centersfor women only