Nanded News : महापालिकेत उपायुक्तपदी अजितपालसिंघ संधू

नांदेड : नांदेड वाघाळा महापालिकेतील विधी अधिकारी अजितपालसिंघ संधू यांच्याकडे उपायुक्तपदाचा अतिरिक्त कार्यभार देण्यात आला आहे. याबाबतचे आदेश आयुक्त डॉ. महेशकुमार डोईफोडे यांनी काढले आहेत.

श्री. संधू यांच्याकडे विधी अधिकारी या मुळ पदासोबतच नगरसचिव, आरोग्य, भूसंपादन, मालमत्ता व्यवस्थापन, शिक्षण, अतिक्रमण व अनधिकृत बांधकाम निर्मूलन विभाग देण्यात आला आहे. श्री. संधू यांनी यापूर्वी कोरोना संसर्गाच्या काळात तसेच महापालिकेच्या विविध विभागातील कर वसुलीसाठी प्रभावी कामगिरी केली होती.