Nanded Newssakal
नांदेड
Nanded News: खोदकामात सापडली चतुर्मुखी गणेशमूर्ती; माहूर शहरात दर्शनासाठी गर्दी
Chaturmukha Ganesha: माहूर येथील पौराणिक शिवमंदिराजवळ खोदकामात चतुर्मुखी गणेशमूर्ती सापडल्याने खळबळ उडाली आहे. या प्राचीन मूर्तीची प्राणप्रतिष्ठा मंदिरात करण्यात आल्याने हजारो भाविकांनी दर्शनासाठी गर्दी केली.
माहूर (जि. नांदेड) : शहरातील पौराणिक भोजंता तलावाशेजारी असलेल्या पुरातन भगवान शिवशंकर मंदिराच्या पायथ्याशी केलेल्या खोदकामात चतुर्मुखी गणेशमूर्ती आढळून आली. या मूर्तीची शिवमंदिराच्या ओट्यावर प्राणप्रतिष्ठा करून स्थापना केली असून, याची माहिती परिसरात पसरताच नागरिकांनी दर्शन घेण्यासाठी अलोट गर्दी केली.