Nanded Farmers: ‘काजू-बदाम खा, पण शेतकऱ्यांना न्याय द्या’; अर्धापुरात काँग्रेसचा जनाक्रोश, घंटानाद करून दुष्काळ जाहीर

-लक्ष्मीकांत मुळे

अर्धापूर (जिल्हा नांदेड): शेत पिकांचे पंचनामे, पाहणी दौरे, अहवाल या सारख्या दिखाऊ गोष्टी न करता सरसगट दुष्काळ जाहीर करुन तातडीने हेक्टरी दोन लाखांची मदत द्यावी या प्रमुख मागणीसाठी अर्धापूर तालुका काँग्रेसच्या वतीने तहसील कार्यालयावर जनाक्रोश मार्चा बुधवारी (ता २३) काढण्यात आला.शेतऱ्यांनी वाळलेल्या सोयाबीनची पेंडी तहसीलदारांना देऊन घंटानाद केला.शासन विरोधी घोषणांनी परिसर दणाणून गेला.