नांदेड : जिल्ह्यातील ग्रामपंचायत निवडणुकीच्या अनुषंगाने मुख्यमंत्री उद्धव ठाकरे यांनी जिल्हा प्रमुखांकडून व्हिडिओ कॉन्फरसिंगद्वारे माहिती जाणून घेतली. नांदेड जिल्हा उत्तर प्रमुख दत्ता कोकाटे यांनी जिल्ह्यातील ग्रामपंचायतीच्या परिस्थितीची माहिती मुख्यमंत्री उद्धव ठाकरे यांना यावेळी दिली.
नांदेड जिल्ह्यातील एक हजार पंधरा ग्रामपंचायत निवडणूक कार्यक्रम जाहीर झाला असून जिल्ह्यातील सर्वाधिक ग्रामपंचायती शिवसेनेच्या ताब्यात घेण्याच्या अनुषंगाने शिवसेनेच्या वतीने जोरदार तयारी करण्यात आली आहे. ग्रामीण भागातील स्थानिक स्वराज्य संस्थेवर शिवसेनेचा भगवा फडकवून ग्रामीण भागात विकासाची गंगा सर्वदूर पोहोचवा, अशा सूचना शिवसेना पक्षप्रमुख तथा मुख्यमंत्री उद्धव ठाकरे यांनी शिवसेनेचे जिल्हाप्रमुख आणि पदाधिकाऱ्यांनी दिल्या होत्या. त्या अनुषंगाने नांदेड जिल्ह्यातील जास्तीत जास्त ग्रामपंचायती शिवसेनेला जिंकून देण्यासाठी सर्व तयारी करण्यात आली आहे. शिवसेनाप्रणीत पॅनल उभे करण्यात आले आहेत.
नांदेड जिल्ह्यातील जास्तीत जास्त ग्रामपंचायतीवर भगवा फडकवण्याचा संकल्प करण्यात आला असल्याने सध्या जिल्ह्यातील निवडणुकीची काय स्थिती आहे. ही परिस्थिती जाणून घेण्यासाठी मुख्यमंत्री उद्धव ठाकरे यांनी बुधवारी सायंकाळी व्हिडिओ कॉन्फरन्सिंगवरून जिल्हाप्रमुखांशी संवाद साधला. यावेळी नांदेड जिल्हा प्रमुख दत्ता कोकाटे यांनी नांदेड जिल्ह्यातील ग्रामपंचायतीची सध्याचा परिस्थितीबाबत माहिती दिली. सर्वाधिक ग्रामपंचायतीवर शिवसेनेचा भगवा फडकेल अशी माहिती यावेळी जिल्हाप्रमुख दत्ता कोकाटे यांनी मुख्यमंत्री उद्धव ठाकरे यांना दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.