Nanded : दगडफेक प्रकरणात विविध पोलिस ठाण्यांत गुन्हे दाखल | Sakal
sakal

बोलून बातमी शोधा

Crime News

दगडफेक प्रकरणात विविध पोलिस ठाण्यांत गुन्हे दाखल

sakal_logo
By
सकाळ वृत्तसेवा

नांदेड : शहरातील विविध भागात शुक्रवारी (ता.१२) दगडफेक करून मालमत्तेचे नुकसान केल्याची घटना घडली. याप्रकरणी वजीराबाद, शिवाजीनगर व इतवारा पोलिस ठाण्यात ३०० ते ४०० जणांविरुद्ध गुन्हे दाखल करण्यात आले असून, चौघांना ताब्यात घेतले आहे.त्रिपुरा येथील घटनेचे पडसाद शुक्रवारी नांदेड शहरात उमटले. यामध्ये जमावाने शिवाजीनगर, डाॅक्टर लेन, देगलूर नाका परिसरात दगडफेक करून अनेक दुकानांचे व वाहनांचे नुकसान केले. तर केलेल्या दगडफेकीत इतवारा ठाण्याचे पोलिस निरीक्षक साहेबराव नरवाडे यांच्या पायाला गंभीर दुखापत झाली.

या घटनेने शहरात दहशतीचे वातावरण निर्माण झाले होते. दरम्यान शिवाजीनगर भागातील मिठाई दुकान, एक ट्रेडर्सवर दगडफेक करण्यात आली. तसेच डाॅक्टर लेन परिसरात अॅटो (एमएच-२६, जी-४२६२)ची काच फोडून नुकसान केले व महापालिकेच्या मालकिचे असलेले पथदिवे फोडण्यात आले. यामध्ये सुमारे सात हजार रुपयांचे आर्थिक नुकसान झाले आहे. देगलूर नाका मार्गावर एक दुचाकी जाळून अनेक वाहनांवर दगडफेक करून नुकसाने करण्यात आले. याप्रकरणी वजीराबाद पोलिसांनी आठ, शिवाजीनगर पोलिसांनी १४ व इतवारा पोलिसांनी २२ गुन्हे ३०० ते ४०० जणांविरुद्ध दाखल केले आहेत.

loading image
go to top