देगलूर : तालुक्यातील गवंडगावजवळील मुख्य रस्त्यावर असलेला पूल सध्या अक्षरशः धोकादायक अवस्थेत असून, पावसाळ्याच्या सुरवातीलाच त्याची दयनीय अवस्था उघड झाली आहे. .पुलाच्या दुतर्फा वाढलेली झाडाझुडपे, तळातून वाहणाऱ्या पाण्यामुळे झालेली झीज आणि रस्त्यावरचे खड्डे पाहता अपघाताचा धोका निर्माण झाला आहे. हा रस्ता बल्लूर फाटा ते मानूर दरम्यान १० ते १५ गावांना जोडतो..या पुलावरून दररोज शेकडो वाहनचालक, शालेय विद्यार्थी, वृद्ध नागरिक, महिला यांची ये-जा सुरू असते. मात्र, पुलाची बाजूची संरचना पूर्णपणे कोसळली असून, रस्त्यावर जागोजागी मोठे खड्डे तयार झाले आहेत. त्यामुळे नागरिकांना प्रचंड धोका पत्करून प्रवास करावा लागत आहे..दुर्घटना होईपर्यंत वाट पाहणार का?ग्रामस्थांनी अनेकदा सार्वजनिक बांधकाम विभाग व स्थानिक प्रशासनाकडे तक्रारींचा पाढा वाचूनही कोणतीही ठोस कार्यवाही अद्याप झालेली नाही. दुर्घटना होईपर्यंत प्रशासनाला जाग येणार नाही का?, असा सवाल संतप्त ग्रामस्थांकडून उपस्थित होत आहे..Nanded News : मुदखेडमध्ये चैत्य स्मारकाचे लोकार्पण ....तर आंदोलन करणारगवंडगावजवळील मुख्य रस्त्यावर असलेला पुलाकडे तातडीने लक्ष देऊन या पुलाची दुरुस्ती करावी किंवा याठिकाणी नवीन पूल उभारण्याच्या प्रक्रियेला सुरवात करावी, अन्यथा आंदोलनाचा इशारा परिसरातील ग्रामस्थांनी दिला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
