Dhangar Community : धनगर समाजाच्या मागण्यांना मुख्यमंत्री शिंदेकडून प्रतिसाद | Sakal
sakal

बोलून बातमी शोधा

CM Eknath Shinde

Dhangar Community : धनगर समाजाच्या मागण्यांना मुख्यमंत्री शिंदेकडून प्रतिसाद

किनवट : धनगर समाजाच्या प्रलंबित मागण्यांची पूर्तता करावी तसेच अहमदनगर जिल्ह्याला पुण्यश्लोक अहिल्यादेवी नगर करण्याच्या मागणीसाठी खासदार विकास महात्मे यांच्या नेतृत्वाखाली धनगर समाज संघर्ष समिती तसेच जय मल्हार युवा मंचच्या वतीने युवक प्रदेशाध्यक्ष अमन कुंडगिर यांनी मुख्यमंत्री एकनाथ शिंदे यांची मुंबई येथे विधानभवनात नुकतीच भेट घेऊन निवेदन सादर केले.

यावेळी मुख्यमंत्र्यांनी धनगर समाजाच्या मागण्यांना सकारात्मक प्रतिसाद दिल्याची माहिती कुंडगीर यांनी दिली. राज्यातील धनगर समाजाच्या आरक्षणासह अनेक मागण्या शासन दरबारी प्रलंबित आहेत. समाजाच्या प्रलंबित मागण्या तत्काळ मार्गी लागाव्यात यासाठी राज्यसभेचे खासदार महात्मे यांच्या नेतृत्वाखाली धनगर समाज संघर्ष समिती व जय मल्हार युवा मंचच्या वतीने मुख्यमंत्री एकनाथ शिंदे यांची मुंबई येथे विधान भवनात भेट घेऊन निवेदन सादर केले.

निवेदनात धनगर समाजाच्या आरक्षणाचा प्रश्न तात्काळ मार्गी लावावा, समाजाच्या प्रलंबित मागण्या तात्काळ पूर्ण कराव्यात तसेच पुण्यश्लोक अहिल्यादेवी होळकर यांचे जन्मस्थान असलेल्या अहमदनगर जिल्ह्याला अहिल्यादेवी नगर, असे नाव देण्याची मागणी करण्यात आली. या प्रसंगी समितीचे परभणी जिल्हाध्यक्ष आनंद बनसोड, बीड जिल्हाध्यक्ष बाबुलाल ढोरमारे यांच्यासह जय मल्हार युवा मंचचे पदाधिकारी उपस्थित होते.

Web Title: Dhangar Community Demand To Chief Minister Eknath Shinde

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..