Diwali Festival 2023 : दिवाळीच्या फराळाला महागाईची फोडणी

सोयाबीन तेलाच्या दरात वाढ; शेंगदाणा, राइस ब्रॅण्ड तेल स्थिर
diwali festival 2023 faral inflation edible oil expensive food market marathi news
diwali festival 2023 faral inflation edible oil expensive food market marathi newsSakal

नांदेड : दिवाळी आठ दिवसांवर आली असताना खाद्यतेलाचे दर आठवडाभरात सरासरी सात रुपयांनी वाढले आहेत. केंद्र सरकारने मागील काही महिन्यांत आयात शुल्कात मोठी कपात केल्यानंतरही दरवाढ झाली आहे. सर्वाधिक मागणीच्या पामतेलापेक्षा सोयाबीन तेलाची मागणी बाजारात अचानक वाढलेली दिसत आहे.

ऐन दिवाळीत एकीकडे सोयाबीन तेलाची मागणी प्रचंड वाढली असून भावात वाढ झाल्याचे दिसत आहे. शेंगदाणा, सूर्यफूल, राईस ब्रॅंड तेलाचे दर मात्र स्थिरावलेले आहेत. सोयाबीन तेल महागल्याने गरिबांसह सर्वसामान्य ग्राहकांचे आर्थिक गणित बिघडले आहे. यंदा सोयाबीन पिकाला पावसामुळे फटका बसल्याने उत्पादन कमी झाले आहे. त्यामुळे सोयाबीनपासून तयार होणारी उत्पादने महागली असल्याचे व्यापाऱ्यांचे म्हणणे आहे.

सध्या तेलाची मागणी वाढल्याने सोयाबीनसह पामतेलाची आयात करावी लागत आहे. प्रामुख्याने पंधरा दिवसांपूर्वी सोयाबीन तेल दर तब्बल सात रुपयांनी (प्रतिक्विंटल) कमी होते. सप्टेंबर अखेरीस सोयाबीनची स्थिती चांगली होती. त्यामुळे या तेलाच्या किंमतीही ११५ ते १२२ रुपये किलोवर स्थिर होत्या.

मात्र, सोयाबीनचे उत्पादन घटल्यामुळे ग्राहकांना महागाईचे चटके बसत आहेत. आता सोयाबीन तेल प्रति किलो १२२ ते १३० रुपयांवर गेले आहे. दिवाळीत तेलाचा विविध पदार्थांसाठी अधिक वापर होतो. खाद्यतेलामध्ये सोयाबीनशिवाय, शेंगदाणा, सूर्यफूल, राईस ब्रॅंड आदी विविध कंपन्याचे तेल बाजारात आहे. मात्र, या तेलांचे भाव स्थिरावलेले आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com