Nanded Flyover Wall Collapse: Two Women Professors Survive Close Call, Traffic Disrupted
sakal
नवीन नांदेड: सोनखेड ते वारंगा या एक हजार कोटी रुपयांपेक्षा अधिक खर्चाच्या हायटेक महामार्गाच्या कामाचा दर्जा पुन्हा एकदा चर्चेत आला. विष्णुपुरी येथील एसजीजीएस अभियांत्रिकी महाविद्यालयासमोरील तुळजापूर-लातूर-नागपूर महामार्गावरील उड्डाणपुलाची सिमेंट ब्लॉक्सची संरक्षक भिंत गुरुवारी (ता. ९) दुपारी अचानक कोसळली. भिंतीचे शेकडो काँक्रीट ब्लॉक्स आणि आतील माती-खडीचा मोठा भराव थेट मुख्य रस्त्यावर आल्याने काही काळ वाहतूक ठप्प झाली. दोन प्राध्यापिका थोडक्यात बचावल्या असून, सुदैवाने मोठी जीवितहानी टळली.
