गुड न्यूज : नांदेड कारागृहातील ७४ कैदी कोरोनामुक्त

file photo
file photo

नांदेड : जिल्ह्यात कोरोना आपले हातपाय चांगलेच पसरत असून जिल्हा प्रशासन हतबल झाले आहे. त्यातच जिल्हा कारागृहातील तब्बल ८१ कैद्यांना कारोनाची लागन झाल्याचे ॲटीजेन रॅपीड टेस्ट तपासणीत पुढे आले होते. त्यांच्यावर कारागृहातील कोवीड केअर सेंटरमध्ये उपचार केल्यानंतर त्यातील ७४ कैदी मंगळवारी (ता. २२) कोरोनामुक्त झाले आहेत.

नांदेड जिल्ह्यात सर्वच क्षेत्रातील नागरिकांना कोरोनाची बाधा पोहचलेली आहे. दररोज तीनशेहून अधिक रुग्ण समोर येत आहेत. तर शंभरपेक्षा अधिक रुग्णांवर उपचार करुन त्यांना डिस्चार्ज दिल्या जात आहे. कोरोना बाधीतांची संख्या वाढत असताना मृत्यूंचा आकडाही तसाच वाढत असल्याने प्रशासन हतबल होत असल्याचे पहावयास मिळत आहे. कोरोना बाधितांची संख्या रोखण्यास जिल्हा प्रशासन व महापालिका प्रशासन प्रयत्न करीत आहे. मात्र त्यांना या बाबत सध्या तरी अपयश येत असल्याचे दिसून येते.
 
ॲन्टीजेन टेस्ट वरून कोरोनाचे निदान

कोरोना बाधीत क्षेत्रातील नागरिकांसह सर्दी व ताप असलेल्या सर्वांची तपासणी ॲन्टीजेन रॅपीड टेस्टद्वारे होत आहे. त्यात तपासणी केल्यानंतर काही मिनिटातच रुग्णाचा अहवाल येत आहे. त्यामुळे अहवालाची वाट पाहण्याची वेळ आता तपासणी केलेल्या व्यक्तीला गरज नाही. शहराच्या विविध भागात ॲन्टीजेन टेस्ट करून कोरोना बाधीत आढळल्यास त्याच्‍यावर वेगवेगळ्या ठिकाणी उपचार करण्यात येत आहेत. परंतु सध्या खासगी व शासकिय रुग्णालय फुल्ल झाल्याने बाधीत रुग्णांवर उपचार आपल्या घरीच घ्यावा लागत आहे.

८० पैकी ७४ कैदी कोरोनामुक्त 

जिल्हा कारागृहात न्यायालयाच्या आदेशावरुन कैदी व तेथील कर्मचाऱ्यांची ॲन्टीजेन टेस्ट करण्यात आली होती. या तपासणीत एक नव्हे तर तब्बल ८० कैदी आणि एका कर्मचाऱ्याला कोरोनाची लागन झाल्याचे तपासणीत पुढे आले होते. या प्रकरणी कारागृह अधीक्षक रामराजे चांदणे यांच्याशी संपर्क साधला असता त्यांनी सांगितले की यापैकी ७४ जण कोरनामुक्त झाले आहेत. बाकीच्या रुग्णांवर उपचार सुरु असून त्यांचीह प्रकृती चांगली असल्याचे त्यांनी सांगितले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com