विधायक बातमी : पालावरच्या 650 कुटुंबातील महिलांचे चेहरे खुलले

नांदेड : सामाजिक कार्यात सदैव तत्पर असलेले व भटक्या विमुक्त जाती जमातीचे कार्यकर्ते सुनील डोईजड यांच्या पुढाकारामुळे अर्धापूर तालुक्यातील पालावरच्या ( वैदु समाज ) जवळपास 650 कुटुंबाना शर्ट, पॅन्ट व साडींचे वाटप करण्यात आले. ऐन संकटात असलेल्या या कुटुंबांना या मदतीमुळे मोठा दिलासा मिळाला आहे.

सुनील डोईजड यांचे समाज प्रबोधन, सामाजिक चळवळीत मोठे योगदान आहे. रक्तदान, रस्त तपासणी, अँटीजेन तपासणी, आरटीपीसीआरची मोफत टेस्ट आदी उपक्रम राबवून त्यांनी समाजसेवा केलेली आहे. तसेच लॉकडाऊन काळात अन्नधान्यांच्या कीट वाटप करून त्यांनी भटक्या समाजाचे दुःख वाटून घेतले आहे.

हेही वाचा - दीड वर्षापासून ‘फोकस’ बदलून सेवाकार्यावर : प्रा. प्रशांत साठे

अर्धापूर शहरात विविध भागात पालं टाकून राहणा-या भटक्या विमुक्त जाती जमातीच्या 650 च्यावर कुटुंबांना सुनील डोईजड यांनी आशीर्वाद कपडा बँकेच्या माध्यमातून कपडेरुपी साडी, पँट, व शर्टचे मोफत वाटप केले.

यावेळी सामाजिक कार्यकर्त्या रोहीणी सुनील लढ्ढा, रेणुका गिरीश बाल्दी, सुनयना भूषण डागा, पुनम योगेश बियाणी, विधी कचरुसेठ बजाज, योगेश बियाणी, माजी नगरसेवक विश्वास कदम, व्यंकटी राऊत, सतीश गोविंदवार, गोविंद वट्टमवार, शैलेश मुखेडकर, वासुदेव समाजाचे गणेश चव्हाण, प्रा. भास्कर थिटे पाटील, मनीष जाधव, बांधकाम व्यावसायिक कचरु बजाज, आशीष बियाणी, गणेश जाजू, प्रशांत क-हाळे, शरद मांगीलवार, अॅड. प्रसाद राणळकर, गुलजार ठाकूर, भटक्या विमुक्त समाजचे नारायण बाबर, साईनाथ शिंदे व भावराव शितोळे यांच्यासह अनेकांची उपस्थिती होती.