मैं खुश हुआ,म्हणत राज्यपाल कोश्यारींनी छायाचित्रासाठी दिली पोझ

नांदेड : राज्याचे राज्यपाल भगतसिंह कोश्यारी हे आज गुरुवारी (ता.पाच) नांदेडच्या (Nanded) दौऱ्यावर आहेत. येथील स्वामी रामानंद तीर्थ मराठवाडा विद्यापीठातील (Swami Ramanand Thirth Marathwada University) जलपुनर्भरण प्रकल्पाची पाहणी केल्यानंतर, मैं खुश हुआ!, असे म्हणत श्री.कोश्यारी यांनी छायाचित्रकारांना आनंदी मुद्रेत पोझ दिली. विविध विकास कामांची चित्रफीत दाखवण्यासाठी (Governor Bhagat Singh Koshyari's Nanded Visit) विद्यापीठाने तयारी केली होती. पण राज्यपालांनी ते नंतर दाखवले तरी चालले असे म्हणाले. श्री कोश्यारी हे गणित संकुलाकडे गेले. त्यानंतर जिल्हाधिकारी व कुलगुरु यांची धावपळ उडाल्याची चर्चा ऐकायला मिळाली.

छत्रपती शिवाजी महाराज, गुरु गोविंदसिंग, सुभाषचंद्र बोस हे माझ्यासाठी राम, कृष्ण या दैवताप्रमाणे आहेत. या महापुरुषांच्या बलिदानाचा आज विसर पडत चालल्याची, खंत श्री. कोश्यारी यांनी विद्यापीठातील कार्यक्रमात व्यक्त केली. आपल्या लोकांमध्ये मिसळून राहायला आवडत असल्याचे त्यांनी सांगितले. यातून नवीन गोष्टी शिकायला मिळते असे ते म्हणाले. गुरु गोविंदसिंगजी यांच्या पदस्पर्शाने पावण झालेल्या नांदेड नगरीत येण्याची इच्छा होती. पूर्ण झाल्याचा आनंद राज्यपाल भगतसिंह कोश्यारी यांनी व्यक्त केला.