आजीला बांधून केली मारहाण; दीड लाखांचा ऐवज लंपास

देगलूर पोलिस ठाण्यात गुन्हा दाखल करण्यात आला असून पुढील तपास फौजदार रवी मुंडे करत आहेत.
crime
crimesakal media
Summary

देगलूर पोलिस ठाण्यात गुन्हा दाखल करण्यात आला असून पुढील तपास फौजदार रवी मुंडे करत आहेत.

नांदेड : जिल्ह्यात खानापूर (deglur) येथे एका आजीला हात पाय बांधून लाकडाने मारहाण करून तिच्या व आणखी एक महिलेच्या अंगावर दागिनांच्या जबरी चोरी(thief) केली. तसेच दुसऱ्या घटनेत सवना (ता. हिमायतनगर) येथे घरफोडी करून चोरट्यांनी ६३ हजाराचा ऐवज लंपास केला.नवी आबादी खानापूर पाण्याच्या टाकीजवळ आणि हनुमान मंदिराच्या पाठीमागे ईब्राहिम रस्ताच्या बाजूला व्यकंटी तुकाराम कैकाडी (वय ३२) या शेतकऱ्याच्या घरात गुरूवारी (ता. सहा) चोरटा शिरला. घरातील आजीचे हात पाय व तोंडाला रुमाल बांधून मारहाण केली.

crime
नांदेडकर दक्ष अन् प्रशासन सज्ज

आवाज करू नको, असे म्हणून तिच्या कानातील २० हजाराच्या पाच ग्रॅमच्या सोन्याच्या काड्या, दोन्ही पायातील २० हजाराचे ४० तोळे चांदीचे वाळ्याचे जोड, दोन्ही हातातील दहा हजाराचे २० तोळे चांदीचे दंडकडे तसेच दोन्ही हातातील चांदीचे पाच हजाराचे दहा तोळ्याचे दोन गोट असा एकूण ६७ हजाराचा ऐवज जबरदस्तीने चोरून नेला. त्यानंतर निर्मलाबाई एकनाथ ढगे यांच्या गळ्यातील १२ हजाराचे तीन ग्रॅमचे मनीमंगळसुत्र असा एकूण ७९ हजाराचा ऐवज जबरीने चोरून नेला. याबाबत देगलूर पोलिस ठाण्यात गुन्हा दाखल करण्यात आला असून पुढील तपास फौजदार रवी मुंडे करत आहेत.

दुसऱ्या घटनेत सवना (ता. हिमायतनगर) येथील राजू ग्यानोबा पंडीत (वय ४८) यांच्या घराच्या दरवाज्याचे कुलुप तोडून चोरटे आत शिरले. कपाटात ठेवलेले ६३ हजार रुपयांचे सोन्या चांदीचे दागिने चोरट्यांनी लंपास केले. याबाबत हिमायतनगर पोलिस ठाण्यात गुन्हा दाखल करण्यात आला असून पुढील तपास पोलिस जमादार राठोड करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com