उसाच्या फडात बिबट्या; मुदखेड परिसरात भितीचे वातावरण

या घटनेचा व्हिडीओ व्हाट्सअप मीडियावर जिवंत बिबट्या उसाच्या फडात आढळून आल्याने परीसरातील नागरिकांमध्ये बिबट्या बाबतीत जोरदार चर्चा रंगली आहे.
मुदखेड परिसरात बिबट्याचे दर्शन
मुदखेड परिसरात बिबट्याचे दर्शन

मुदखेड (जिल्हा नांदेड) : मुदखेड तालुक्यातील डोंगरगाव येथील सात नंबर कँनोल परिसरातील शिवारातील शेतकरी केशवराव किसनराव पाटील व्यवहारे यांच्या उसाच्या फडातील शेतामध्ये बिबट्या अचानक दिसून आल्याने परिसरातील शेतकऱ्यांमध्ये भितीचे वातावरण निर्माण झाले. बिबट्याला पकडून जंगलात सोडण्याची मागणी सरपंच शिवानंद पुयड, शेतकरी सूर्यभान व्यवहारे केशव पाटील यांनी यावेळी केली आहे.

रात्री वेळी शेतातील नांगरणी काम ट्रॅक्टरच्या माध्यमातून करण्यात येत असताना ट्रॅक्टर चालक प्रेम केदारे यांना नऊच्या सुमारास ट्रॅक्टरचा हेडलाईट समोर उसाच्या फडातून बिबट्या बाहेर येत असताना अचानक दिसला. त्याला पाहता क्षणी अरे बापरे वाघ असंच म्हणावे लागेल परंतु ट्रॅक्टरच्या फोकस मी पुन्हा बिबट्या अंग चोरुन घेत उसाच्या फडामध्ये मागच्या मागेच सरकला त्यामुळे पुढील घटना टळली आहे.

हेही वाचा - पाच जूनला निघणार मराठा आरक्षणासाठी मोर्चा

या घटनेचा व्हिडीओ व्हाट्सअप मीडियावर जिवंत बिबट्या उसाच्या फडात आढळून आल्याने परीसरातील नागरिकांमध्ये बिबट्या बाबतीत जोरदार चर्चा रंगली आहे.

या परिसरात बिबट्याने अनेक दिवसापासून बस्तान मांडून ठेवले असल्याने याठिकाणी अनेक घटना घडामोडी जनावराच्या शिकारी केलेल्या घटना घडल्या आहेत. तर आठ दिवसांपासुन हा बिबट्या परिसरातील शेतकऱ्यांना आढळून येते असल्याने शेतकऱ्यांमध्ये भितीचे वातावरण निर्माण झाले. शेतावर कामासाठी जाणाऱ्यांना भिती वाटत असल्याने कामाचा खोळंबा झाला आहे. तर आखाड्यावरील राहणाऱ्यांना या बाबत चिंता लागली आहे. तर शेतकऱ्यांचे शेतातील जनावरांवर हल्ला होईल ही भिती सतावत आहे.

संपादन- प्रल्हाद कांबळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com