नांदेडला सोमवारी ११८ पॉझिटिव्ह; दिवसभरात ११३ कोरोना मुक्त, पाच रुग्णांचा मृत्यू 

File Photo
File Photo

नांदेड : जिल्हा आरोग्य विभागाकडून सोमवारी (ता.२४) प्राप्त झालेल्या ५४५ अहवालापैकी ३५९ अहवाल निगेटिव्ह आले. ११८ स्वॅब अहवाल पॉझिटिव्ह आले. शासकीय रुग्णालयातील तीन व जिल्हा रुग्णालयातील दोन अशा एकूण पाच रुग्णांचा उपचारादरम्यान मृत्यू झाला असल्याची माहिती जिल्हा शल्यचिकित्सक डॉ. निळकंठ भोसीकर यांनी दिली. 

रविवारी (ता.२३) आरटीपीसीआर व अँटीजेन टेस्ट किटद्वारे तपासणी करण्यात आली. आरटीपीसीआर मध्ये ६७ आणि अँटीजेन टेस्ट ५१ असे एकुण ११८ जण बाधित आढळून आले आहेत. जिल्ह्यातील एकुण बाधित रुग्णांची संख्या पाच हजार १५० इतकी झाली आहे. दुसरीकडे शहरातील पंजाब भवन कोविड सेंटर मधील ७१, जिल्हा रुग्णालय कोविड सेंटर दोन, हदगाव कोविड सेंटर चार, लोहा कोविड सेंटर पाच, मुदखेड कोविड सेंटर सात, देगलूर जैनक कोविड सेंटर १९, गोकुंदा कोविड सेंटर एक आणि खासगी रुग्णालयातील चार असे एकुण ११३ कोरोना बाधित रुग्ण बरे झाल्याने त्यांना रुग्णालयातून सुटी देण्यात आली. आतापर्यंत तीन हजार ३२८ रुग्ण कोरोनामुक्त होऊन घरी परतले आहेत. 

यांचा उपचारा दरम्यान मृत्यू

विष्णुपुरी येथील डॉ. शंकरराव चव्हाण शासकीय रुग्णालयात उपचार सुरु असलेल्या नायगाव तालुक्यातील आंतरगाव येथील पुरुष (वय ६५), शक्तीनगर नांदेड महिला (वय २५), शिवाजीनगर नांदेड पुरुष (वय ७८), जिल्हा रुग्णालय कोविड सेंटर मधील सहयोगनगर येथील पुरुष (वय ६५), प्रगतीनगर पुरुष (वय ६८) असे पाच बाधित रुग्ण उपचारादरम्यान दगावले. त्यामुळे आतापर्यंत जिल्ह्यातील मृत्यूची संख्या १८८ इतकी झाली आहे. सोमवारी २६८ स्वॅबची तपासणी सुरु होती. त्याचा मंगळवारी सायंकाळपर्यंत अहवाल प्राप्त होणार असून, १४३ कोरोना बाधित रुग्णांची प्रकृती गंभीर असल्याची माहिती जिल्हा शल्यचिकित्सक डॉ. भोसीकर यांनी दिली. 

तालुकानिहाय सोमवारी आढळलेले रुग्ण 

नांदेड शहर - ३१, नांदेड ग्रामीण- एक, नायगाव - दोन, देगलूर - पाच, कंधार - दोन, धर्माबाद - तीन, अर्धापूर - १३, लोहा -सहा, किनवट -सहा, हदगाव - आठ, मुखेड - २५, बिलोली - चार आणि हिंगोली - दोन अशा एकूण ११८ रुग्णांचा अहवाल पॉझिटिव्ह आला आहे. 

नांदेड कोरोना मीटर 

एकूण सर्व्हेक्षण - एक लाख ५१ हजार १६४ 
एकूण घेतलेले स्वॅब - ३५ हजार २५८ 
एकूण निगेटिव्ह स्वॅब - २८ हजार ७८ 
एकूण पॉझिटिव्ह रुग्ण - पाच हजार १५० 
आज सोमवारी पॉझिटिव्ह रुग्ण - ११८ 
आज सोमवारी मृत्यू - पाच 
एकूण मृत्यू - १८८ 
आज सोमवारी रुग्णालयातून सुटी दिलेले रुग्ण - ११३ 
आत्तापर्यंत रुग्णालयातून सुटी दिलेले रुग्ण - तीन हजार ३२८ 
सध्या रुग्णालयात उपचार घेत असलेले रुग्ण - एक हजार ५९८ 
सध्या रुग्णालयात गंभीर प्रकृती असलेले रुग्ण - १४३ 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com