नांदेड - अण्णा भाऊ साठे महामंडळ बंद पाडण्याचा राजकीय घाट; सचिन साठे ः अ,ब,क,ड आरक्षण वर्गीकरणासाठी नांदेडला बैठक

नांदेड - इतर समाजाच्या अर्थिक उन्नतीसाठी विविध महामंडळ आहेत. तसेच मातंग समाजाला आर्थिक उभारणी देण्यासाठी अण्णा भाऊ साठे आर्थिक विकास महामंडळाची स्थापना करण्यात आली आहे. मात्र एका व्यक्तीने महामंडळात घोटाळा केला आणि सरकार अण्णा भाऊ साठे आर्थिक विकास महामंडळ बंद पाडून मातंग समाजाच्या आर्थिक नाड्या आवळण्याचे प्रयत्न करत असल्याचा आरोप सचिन साठे यांनी केला.

अ, ब, क, ड, आरक्षणाच्या वर्गीकरणासंदर्भात बैठकीच्या निमित्ताने सचिन साठे गुरुवारी (ता.१९) नांदेड दौऱ्यावर आले होते. या वेळी त्यांनी ‘सकाळ’शी संवाद साधताना वरील माहिती दिली. पुढे बोलताना श्री. साठे म्हणाले की, देशात आजपर्यंत न मोजता येणारे अनेक घोटाळे झाले. मग ते सर्व विभाग बंद झालीत आहेत का? अण्णा भाऊ साठे आर्थिक विकास महामंडळात एका व्यक्तीने घोटाळा केला त्याचे समर्थन करणार नाही. मात्र एका व्यक्तीमुळे संबंध मातंग समाजाला महामंडळाकडून मिळणाऱ्या कर्ज योजनेपासून दूर लोटले जात असून, त्यामुळे समाजाची अधोगती होताना दिसत आहे.

हेही वाचा- नांदेड : दुचाकीस्वार चोरटे सैराट, शहरातील तीन महिलांचे गंठण लंपास

राष्ट्रवादीच्या कोट्यातुन मातंग समाजाला आमदार पदाची अपेक्षा होती

ज्या पक्षाच्या काळात अण्णा भाऊ साठे महामंडळास अर्थिक घरघर लागली त्याच पक्षाने महाविकास आघाडीचे सरकार बनवले आहे. त्यामुळे अण्णा भाऊ साठे महामंडळाला गतवैभव प्राप्त करुन देत मातंग समाजाला आर्थिक प्रवाहत घेऊन येण्याची नामी संधी असून, त्यांनी समाजाच्या भल्याचा विचार करावा, अन्यथा आम्हाला देखील दिशा बदलावी लागेल असे राष्ट्रवादी कॉँग्रेस पक्षाचे नाव न घेता श्री साठे यांनी इशारा केला. राष्ट्रवादी पक्षाच्या पडतीच्या काळात सर्वजन पक्षसोडुन जात असताना मातंग समाजाने पक्षासोबत प्रामाणिकपणे कार्य केले, त्याचे फळ म्हणून राज्यपाल नियुक्त आमदार म्हणून राष्ट्रवादीने त्यांच्या कोट्यातुन मातंग समाजाला एक पद द्यायला हवे होते.

हेही वाचले पाहिजे- यंदाची सप्तपदीही कोरोनाच्या चक्रव्युहात, ३० नोव्हेंबरला पहिला विवाह मुहूर्त​

महाविकास आघाडी सरकारकडून अ, ब, क, ड. आरक्षणाची अपेक्षा

परंतु इथेही समाजाला उपेक्षित ठेवण्यात आले. मागासवर्गीय समाजाला अ, ब, क, ड. या वर्गीकरण पद्धतीने आरक्षण मिळाल्यास समाजाच्या शेवटच्या घटकास त्याचा लाभ मिळाले. यासाठी आमची लढाई सुरु असून, महाविकास आघाडी सरकारकडून अ, ब, क, ड. आरक्षण मिळेल अशी अपेक्षा असल्याचे श्री. साठे यांनी सांगितले.