नांदेड जिल्हा पोलिस दलातील महिला पोलिस अंमलदारावर अत्याचार | Sakal
sakal

बोलून बातमी शोधा

Nanded Atrocities on female police officer case against eight person

नांदेड जिल्हा पोलिस दलातील महिला पोलिस अंमलदारावर अत्याचार

नांदेड : नांदेड जिल्हा पोलिस दलातील एका महिला पोलिसाला विश्र्वासात घेवून तिच्याकडून आपल्या घरातील सांसारीक कामे सुध्दा करून घेत तिच्यावर आर्थिक व लैंगिक अत्याचार केल्याप्रकरणी भाग्यनगर पोलिस ठाण्यात गुन्हा दाखल झाला आहे. नांदेड जिल्हा पोलिस दलात कार्यरत असलेल्या एका महिला पोलिस अंमलदाराने दिलेल्या तक्रारीनुसार तिला लग्नासाठी आमिष दाखवून, कट कारस्थान रचून आठ जणांनी तिचा विश्र्वासघात केला.

तिच्यासोबत सोयरीक केली आणि एकाने तिच्यासोबत लैंगिक अत्याचार केला आणि इतरांनी त्या महिला पोलीसाच्या पदाचा फायदा घेवून आपल्या घरातील मुलांना पोलिस अंमलदाराच्या खर्चावर नांदेडला शिकायला ठेवले. महिला पोलिस पण त्या घरासाठीही सेवा आपल्या खर्चातून देत होती. हा सर्व प्रकार २०१८ ते १५ मे २०२२ पर्यंत सुरू होता.

महिला पोलिसाने दिलेल्या तक्रारीवरुन भाग्यनगर पोलिसांनी आठ जणांविरुध्द गुन्हा दाखल केला आहे. पोलिस निरिक्षक सुधाकर आडे यांच्या मार्गदर्शनात सहायक पोलिस निरिक्षक रामकृष्ण पाटील यांच्याकडे या गुन्ह्याचा तपास देण्यात आला आहे.

Web Title: Nanded Atrocities On Female Police Officer Case Against Eight Person

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top