नांदेड : वजिरगाव येथे वीज अंगावर पडून शेतकऱ्याचा मृत्यू

बरबडा ( जिल्हा नांदेड ) : बरबडा (ता. नायगाव) जवळच असलेल्या वजिरगाव येथील शेतकरी वजिरगाव शिवारात हाळद जमा करीत असताना आनंद शंकर ढगे (वय ३५) या शेतकऱ्याच्या अंगावर वीज पडून त्याचा जागीच मृत्यू झाला. ही घटना मंगळवार (ता. १३) सायंकाळी घडली आहे. 

गेल्या तीन- चार दिवसांपासून वादळी वाऱ्यासह अवकाळी पाऊस या भागात पडत होता. त्यामुळे शेतातील हळद व अन्य पीकांची काढणी चालु आहे. ढगाळ वातावरण कायम असून विजांचा कडकडाट वादळी वाऱ्यासह पाऊस होत आहे. सध्या हळद काढमीचे काम जोरात सुरु आहे. सकाळपासून ते सायंकाळपर्यंत शेतकरी या कामात व्यस्त आहेत. हळद शिजविणे, हळद झाकून ठेवण्यावर भर दिला जात आहेत.

हेही वाचा -  नायगावच्या बेटकबिलोली येथे धाडसी चोरी : रोख रक्कमेसह अडीच तोळे सोने लंपास
हळद जमा करण्यासाठी म्हणून आनंद ढगे शेताकडे गेला होता. त्यावेळी आचानक वीज कोसळून त्याचा मृत्यू झाला. आनंद ढगे याच्यावर बुधवारी (ता. १४) वजिरगाव येथे अंत्यसंस्कार करण्यात आले आहे. त्याच्या पश्चात आई- वडील, पत्नी, मुलगी, मुलगा, भाऊ, बहिण असा परिवार आहे.

संपादन- प्रल्हाद कांबळे