नांदेड : अवैध वाळू उपसाविरोधात कारवाई

अवैध वाळू उपसा करणारे १७ तराफे, मोडतोड करत नष्ट करण्यात आले
Nanded Godavari river Action against illegal sand mining
Nanded Godavari river Action against illegal sand miningsakal

मारतळा : येळी (ता. लोहा) येथील गोदावरी नदी घाटावर बिहारी मजुर व तराफ्याच्या साह्याने अवैद्य वाळू उपसा सुरू होता. तहसीलदार व्यंकटेश मुंडे यांच्या पथकाने बुधवारी सकाळी बोटीने नदीतून प्रवास करत अवैध वाळू उपसा करणारे १७ तराफे पकडून एकत्र करत, कर्मचारी व मजुरांच्या मदतीने त्याची मोडतोड करत नष्ट करण्यात आले.

लोहा तालुक्यातील गोदावरी नदीच्या काठावर असलेले व शेवटच्या टोकावरील येळी, कौडगाव, कामळज, चिंचोली या घाटातून बिहारी मजूर व तराफ्याच्या साह्याने अवैद्य वाळू उपसा सुरू होता. उपविभागीय अधिकारी डॉ. शरद मंडलिक यांच्या मार्गदर्शनाखाली तहसीलदार व्यंकटेश मुंडे, नायब तहसीलदार अशोक मोकले यांनी अचानक बुधवारी सकाळी लोहा महसूलचे धडक कारवाई पथक बोटीतून टेहळणी करत येळी, कामळज, कौडगाव, चिंचोली घाटावर आले.

तेव्हा अवैध वाळू उपसा करणारे मजूर तराफे सोडून तहसीलदार आले म्हणताच पळ काढला. तेव्हा पथकातील कर्मचाऱ्यांनी सदर १७ तराफे पकडून एकत्र करत मजुराच्या मदतीने त्यांची मोडतोड करून नष्ट केले. या वेळी त्यांच्या समवेत तलाठी मोतीराम पवार, मनोज जाधव, संदीप कल्याणकर, सतीश शिंदे, संतोष आस्कुलकर, परशुराम जाधव, भुरेवार पाईकराव, कावळे, मांडवगडे आदींची समावेश होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com