Risky Cables Across Nanded Roads : केबल्सचा ‘फास’ नांदेड शहरात वाहनचालकांचा जीव टांगणीला, विद्रुपीकरणात भर

नांदेड : शहरातील मुख्य रस्त्यांसह उपनगरांमध्ये केबल, वायफाय आणि डिश टीव्ही कंपन्यांनी मोठ्या प्रमाणात अनधिकृतपणे केबलचे जाळे पसरवले. परंतु, हे केबल खांबांवरून लोंबकळत असल्यामुळे नागरिकांसह वाहनचालकांचा जीव धोक्यात आला आहे. .विशेष म्हणजे, या सर्व केबल यंत्रणांनी महापालिकेकडून कोणतीही अधिकृत परवानगी घेतलेली नाही. त्यामुळे महापालिकेच्या मालकीच्या खांबांचा वापर करून हे खासगी ऑपरेटर नफा कमावत असले, तरी त्यातून पालिकेला एकही रुपया मिळत नाही..घराघरात इंटरनेट, केबल सेवा देण्यासाठी मुख्य रस्त्यावरील खांबांपासून कॉलनीमध्ये केबल ओढल्या जातात. काही ठिकाणी ग्राहक कनेक्शन बंद करतात. मात्र, त्या केबल तशाच खांबांवर लटकतात. रस्त्यांवर वायरींचे गुंते आणि लोंबकळलेल्या तारा असे चित्र सर्रासपणे दिसून येते. काही ठिकाणी प्राणीदेखील जखमी झाल्याच्या घटना घडल्या. या केबलपैकी काहींमध्ये वीजप्रवाह असल्यामुळे अपघाताची शक्यता नाकारता येत नाही, शॉक लागल्यास त्याला जबाबदारी कोण, असा प्रश्न उपस्थित होतो..शिवाय, अवजड वाहनांमुळे वायर तुटून रस्त्यावर पडतात. त्यामुळे रात्रीच्या वेळी अपघात होण्याची दाट शक्यता असते. या सर्व प्रकाराकडे महापालिकेचे दुर्लक्ष होत आहे. बंद कनेक्शनच्या आणि अनधिकृत केबल्स त्वरित हटवाव्यात, वायफाय आणि केबल ऑपरेटरवर दंडात्मक कारवाई करावी; तसेच महापालिकेने यासंदर्भात कठोर नियमावली तयार करून महसूल व अपघात टाळण्यासाठी तातडीने पावले उचलावीत, अशी मागणी नागरिकांनी ‘सकाळ’कडे व्यक्त केली आहे..परवानगी नाही, तरीही केबल्स लावणारशहरातील धोकादायक केबल्स आम्ही वेळोवेळी तोडून कारवाई केली. संबंधित केबल ऑपरेटरकडे विचारणा केली असता, आम्ही करमणूक कर जिल्हाधिकारी कार्यालयात भरतो. त्यामुळे शहरात केबल लावण्याचा आमचा हक्क आहे, असे सांगण्यात येत असल्याचे मनपाचे विद्युत विभागाचे उपअभियंता सतीश ढवळे यांनी सांगितले..Recruitment Training Causes Death : भरतीचा सराव करताना हृदयविकाराने मृत्यू; नांदेड येथील घटना .शहरात या केबल्सचे जाळे पसरले आहे. यामुळे शहराचा भाग विद्रुप तर झालेच आहे; परंतु या प्रकारामुळे एखाद्याचा जीव जाण्याची भीती निर्माण झाली आहे. प्रशासनाने तत्काळ यावर कारवाई करून शहर केबल्सच्या जाळ्यातून मोकळे करावे. जेणेकरून कोणती दुर्घटना घडणार नाही.- आकाश पाटील, नांदेड.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.