नांदेड : इच्छुकांचे स्वप्न पुन्हा लांबणीवर पडणार ! | Sakal
sakal

बोलून बातमी शोधा

Nanded local body election Zilla Parishad election

नांदेड : इच्छुकांचे स्वप्न पुन्हा लांबणीवर पडणार !

नांदेड : जिल्हा परिषदेत नव्याने दहा सर्कलची रचना करण्यात आली. त्यामुळे अनेक इच्छुकांनी फिल्डिंग लावली. मात्र, निवडणुका कुठेच दृष्टीक्षेपात दिसत नसल्याने अनेकांनी तुर्तास ‘पॉझ’ घेण्याचा निर्णय घेतला आहे. राज्यातील सध्याच्या राजकीय अस्थिरतेमुळे जिल्हापरिषद व स्थानिक स्वराज्य संस्थांच्या निवडणुका लांबणीवर पडण्याची चिन्हे दिसत आहेत.

नांदेड जिल्हा परिषदेची सदस्य संख्या ६३ वरून आता ७३ पर्यंत वाढविण्यात आली आहे. प्रस्तावित आरक्षणामुळे अनेकांवर घरी बसण्याची वेळ आली होती. मात्र, वाढलेल्या सर्कल संख्येमुळे अनेकांच्या आशा पुन्हा पल्लवित झाल्या आहेत आणि ही मंडळी सक्रिय झाली होती. प्रभागरचनेवरील आक्षेपांची प्रक्रिया आता पूर्ण झाली आहे. त्यामुळे कुठल्याही क्षणी निवडणुका जाहीर होतील, अशी परिस्थिती असताना मागील काही दिवसांपासून राज्यात उद्भवलेल्या राजकीय परिस्थितीमुळे निवडणुकीचा मुद्दा जरा बाजूला पडला आहे. त्यामुळे नव्यांसह अनेक जुन्हा सदस्यांची निराशा झाली आहे.

सर्कलमधून काढता पाय

संभाव्य निवडणुका पाहता अनेकांनी सर्कलमध्ये खर्च सुरु केला होता. मात्र, तुर्तास निवडणुकीसंदर्भात कुठलाही मोठा निर्णय होण्याची शक्यता दिसत नसल्याने अनेकांनी सर्कलमधून काढता पाय घेतला असल्याचे चित्र बघायला मिळत आहे.

प्रशासकराज नको रे बाबा....

कार्यकाळ पूर्ण झाल्याने जिल्हा परिषदेत प्रशासकराज लावण्यात आले आहे. सुरुवातीला पदाधिकारी नसल्याने कर्मचाऱ्यांमध्ये चांगलाच उत्साह दिसत होता. मात्र, जिल्हा परिषदेत पदाधिकारीच नसल्याने अनेक कर्मचाऱ्यांना मुख्यालयी पाठविण्यात आले आहे. त्यामुळेच आता कर्मचारी सुद्धा नव्या निवडणुकीची प्रतीक्षा करत आहेत.

Web Title: Nanded Local Body Election Zilla Parishad Election Maharashtra Politics

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top