नांदेड : उद्‍घाटनापूर्वीच आरोग्य केंद्राचे छत कोसळले | Sakal
sakal

बोलून बातमी शोधा

Nanded mukhed Primary Health Centre New Building roof collapsed

नांदेड : उद्‍घाटनापूर्वीच आरोग्य केंद्राचे छत कोसळले

मुक्रमाबाद : मुक्रमाबाद (ता. मुखेड) येथील प्राथमिक आरोग्य केंद्राच्या नवीन इमारतीच्या एका खोलीतील छतास तडे जाऊन छताचा काही भाग उद्‍घाटनाच्याआधीच पडल्याची घटना मंगळवारी घडली. सुदैवाने यात कुठलीही जीवीतहानी झाली नाही. मुक्रमाबाद येथील नवीन प्राथमिक आरोग्य केंद्र कार्यान्वीत होण्याच्या आधीच इमारतीच्या एका खोलीतील छताचा काही भाग पडत असल्यामुळे बांधकामाच्या दर्जावर प्रश्नचिन्ह निर्माण झाले आहे.

मुक्रमाबाद येथील प्राथमिक आरोग्य केंद्राला शासनाची मान्यता मिळून पाच वर्ष पूर्ण झाली असून प्राथमिक आरोग्य केंद्राच्या इमारतीसाठी कोट्यावधीचा खर्च करून मागील तीन वर्षापूर्वी इमारतीचे बांधकाम पूर्ण झाले. संबंधित कंत्राटदाराने बांधकाम पूर्ण करून इमारत जिल्हा परिषदेच्या आरोग्य विभागाकडे सुपुर्द केली. तीन वर्षापासून येथील प्राथमिक आरोग्य केंद्राचा उद्‍घाटनाचा मुहुर्त अद्यापही जिल्हा परिषदेला मिळालेला नाही.

राजकीय गटबाजीच्या फेऱ्यात येथील आरोग्य केंद्राचे उद्‍घाटन रखडले आहे. या आरोग्य केंद्रासाठी दोन वैद्यकीय अधिकारी व संपूर्ण कर्मचारी वर्ग, रुग्णवाहिका उपचाराची साहित्य हे सर्व काही उपलब्ध असूनही प्राथमिक आरोग्य केंद्र सुरू होऊ शकले नाही. निजामकालीन राजवटीत बांधलेल्या इमारतीमध्ये चालू असलेला नागरी दवाखाना हा या नूतन आरोग्य केंद्राच्या इमारतीमध्ये सुरक्षेच्या कारणावरून सुरू करण्यात आला होता.

यातच मंगळवारी मध्यरात्री स्लॕबचा भाग पडल्याचा आवाज आल्याने उपस्थित कर्मचारी वर्गाने झोपेतुन उठून पाहिले असताना पेडीयाट्रीक कोव्हीड केअर हाॕलच्या समोरील स्लॕबचा काही भाग पडत असल्याचे दिसले. या घटनेबाबत वैद्यकीय अधिकारी डॉ. अक्षयसिंग परदेशी यांना विचारले असता छताचा काही भाग कोसळला असून यात कुणालाही दुखापत किंवा जीवीतहानी झाली नसून सदरील घटनेची माहिती वरिष्ठांना कळवली असल्याचे डॉ. परदेशी यांनी सांगितले.

Web Title: Nanded Mukhed Primary Health Centre New Building Roof Collapsed Before Inauguration

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..