नांदेड : नातेवाईकांच्या मिशा कापणाऱ्या सात जणांना सक्तमजुरीची शिक्षा

नांदेड : नातेवाईकाला जबर मारहाण करुन त्याच्या मिशा कापणाऱ्या सात जणांना उमरी येथील प्रथमवर्ग न्यायाधीश एस. एस. धपाटे यांनी एक वर्ष सक्त मजुरी व प्रत्येकी साडेसहा हजाराच्या दंडाची शिक्षा शुक्रवारी (ता. १२) सुनावली. 

उमरी येथील भीमराव लक्ष्मण शितोळे हे गोरठा पॉईंटजवळ उभे असताना धर्माबाद तालुक्यातील पाचेगाव येथील आप्पा शिंदे, सखाराम शिंदे, भाऊराव शिंदे, जगन शिंदे, गंगाराम शिंदे, तुकाराम शिंदे, तात्याराव शिंदे यांनी मागील भांडणाच्या कारणावरुन तू आमच्या नातेवाईकाच्या मिशा काका आपल्या या कारणावरुन जबर मारहाण केल्याची घटना ता. सात ऑगस्ट २०११ रोजी घडली होती. याप्रकरणी उमरी पोलिसांनी गुन्हा दाखल करुन या प्रकरणाच्या तपासानंतर न्यायालयात दोषारोपपत्र दाखल केले होते.

हेही वाचा -  वाळू चोरांसाठी ग्रामीण मार्गावर खोदला खंदक अन् त्यात पडली गाय!

या प्रकरणात न्यायालयाने पाच साक्षिदार तपासले. सरकार पक्षातर्फे अजीमखान पठाण यांनी बाजू मांडली. तर आरोपींचा बचाव अॅड. मिलींद देशमुख यांनी केला. दोन्ही बाजूचा युक्तीवाद ऐकून न्यायाधीश धपाटे यांनी वरील सात जणांना एक वर्ष सक्तमजुरी व प्रत्येकी साडेसहा हजाराच्या रोख दंडाची शिक्षा सुनावली. यावेळी पैरवी अधिकारी म्हणून हवालदार एस. पी. राठोड यांनी काम पाहिले.