टपाल विभाग अंधाराची दृष्टी व अपंगांची काठी 

नांदेड : कोरोना विषाणूच्या प्रादुर्भावामुळे लॉकडाउ या संकटकाळी नांदेड टपाल विभागामधील महिला व पुरुष पोस्टमन हे दिनदुबळे, अनाथ, अंध दिव्यांगाची व गोरगरीबांसाठी पुढे आले. त्यांचा विकास होण्यासाठी त्यांच्या कोणत्याही बँकेतील अनुदानाचे पैसे Aeps मार्फत देण्यासाठी ऊन्हातान्हात तळमळीने आपल्या पत्र वाटपाच्या भागात बँक सेवा या तळागाळातील गरजू जनतेसाठी करीत आहेत. 

अंध व दिव्यांग काय ? त्यांना बँकेत जाता येत नाही. अंध व्यक्तीला जाण्यासाठी रस्ता दिसत नाही तर दिव्यांगाला चालता येत नाही. यांचा कोणी विचार केला किंवा नाही माहीत नाही पण नांदेडच्या मुख्य टपाल कार्यालयामधील पोस्टमन पदावर असलेली महिला पोस्टमन स्वाती गजेगे व पोस्टमन श्री. वडजे हे मात्र कर्मयोगी म्हणून अंधाराची दृष्टी व अपंगांची काठी बनले आहे.

हेही वाचा - Video-कोरोना : रोगप्रतिकारक शक्ती वाढविणेच एकमेव उपाय

पोस्ट बँकेच्या Aeps द्वारे सेवा

सोमवारी (ता. ११) पोस्टमन श्री. वडजे यांनी आपल्या पत्र वाटपाच्या भागात एक व्यक्ती दोन्ही पायाने अपंग व्हीलचेअर वाकर बसलेला अंदाजे वय वीस वर्षीय होता. पोस्टमनने त्याला विचारले की, भाऊ तुला बँकेतील अनुदान काढायचे का? यावेळी अपंग म्हणाला, हो तुम्ही माझी मदत कराल का ?
पोस्टमन यांनी अपंग मुलाचे आधार कार्ड क्रमांक व मोबाईल क्रमांक पोस्ट बँकेला जोडल्या बरोबर एक संदेश ओटीपी मोबाइलवर आला. तोच क्रमांक दुसऱ्यांदा पोस्ट बँकेला जोडला व पोस्ट बँकेच्या Aeps द्वारे काही मिनिटात बँकेतील रोख रक्कम काढून दिले.

महिला पोस्टमन पण आपल्या कर्तव्यात पूढे

सोमवारी (ता. ११) महिला पोस्टमन स्वाती गजेगे यांनी छत्रपती शिवाजी महाराजांच्या पुतळ्याजवळ एक अंध मुलगा रस्त्याच्या एका कडेने आपल्या ट्रायसिकल व्हीलचेअर ( चालण्या व फिरण्यासाठी सोयीस्कर जावे आधार काठी ) ने येत होता. महिला पोस्टमन यांनी आपले व अंध मुलाचे हात हँड वॉशने स्वच्छ धुतले आणि पोस्ट बँकेच्या मदतीने अपंगांचे जमा झालेले अनुदान त्यांनी आधार कार्ड क्रमांक व मोबाईल क्रमांकवर रोख रक्कम काही सेकंदात काढून आधाराला दृष्टी देऊन आपले कर्तव्याचे पालन केले आहे.

येथे क्लिक करा - एसटी महामंडळाचे लॉकडाउनमुळे झाले एवढे नुकसान...

डाक अधीक्षक शिवशंकर लिंगायत यांचे आवाहन

जिल्ह्यात डाक विभागाचे पोस्टमन हे डाक अधीक्षक शिवशंकर लिंगायत व पोस्टमास्तर डी. एम. जाधव यांच्या मार्गदर्शनाखाली दररोज पोस्टमन घरपोच पोस्ट बँकेच्या मार्फत कोणत्याही बँकेतील खात्यातील  पैसे Aeps द्वारे घरपोच काढून देत आहेत. नागरिकांनी बँकेत गर्दी न करता घरीच रहा, सुरक्षित रहा कुटूंबात रहा, आपली काळजी घ्या. असे आवाहन करण्यात येत आहे.