नायगाव : गोदमगाव शिवारात मुरुमाचे अवैध उत्खनन करताना महसूल विभागाच्या पथकाने (ता.१८) जेसीबी पकडला असून, पुढील कारवाईसाठी नायगाव पोलिस ठाण्यात लावल्याची माहिती मंडळ अधिकारी रेखा राठोड यांनी दिली..तालुक्यात मागच्या काही महिन्यांपासून गौण खनिज माफीयांनी मुरुमाचे अवैध उत्खनन करून थेट महसूल विभागालाच आव्हान दिले. महसूल विभागातील अधिकाऱ्यांच्या नाकावर टिच्चून दिवसरात्र मुरुमाचे अवैध उत्खनन करून त्याची बेकायदेशीर वाहतूक होत आहे. याकडे संबंधित कर्मचारी दुर्लक्ष करत होते. त्यामुळे या प्रकरणाची तक्रार वरिष्ठ अधिकाऱ्यापर्यंत गेली. अधिकारी बघ्याची भूमिका घेत होते..गोदमगाव येथील कारवाई मात्र नाईलाजास्तव करावी लागल्याचे महसूल विभागातील काही अधिकारी, कर्मचाऱ्यांनी बोलून दाखविले. गोदमगाव शिवारात जेसीबीच्या साहाय्याने मुरुमाचे उत्खनन करण्यात येत असल्याची माहिती तहसीलदार धम्मप्रिया गायकवाड यांना बुधवारी (ता.१८) दुपारी मिळाली. त्यांनी याची माहिती मंडळ अधिकारी राठोड यांना देत तातडीने कारवाई करण्याच्या सूचना केल्या..त्यानंतर राठोड या मांजरम व कोलंबीच्या तलाठ्यांना सोबत घेवून गोदमगाव शिवारात गेल्या असता जेसीबीच्या साहाय्याने मुरुमाचे उत्खनन करण्यात येत असल्याचे दिसून आले. त्यांनी जेसीबी ताब्यात घेतला आणि रात्री उशिरा पुढील कारवाईसाठी नायगाव पोलिस ठाण्यात लावण्यात आला आहे..Pune Update : भोर निगुडघर हिर्डोशी मार्गावर अपघाताचा धोका कायम.तहसीलदारांनी सूचना दिल्यानंतर आमचे पथक आणि पोलिस यंत्रणेला घेऊन आम्ही घटनास्थळी गेलो. त्यानंतर जेसीबी चालक फरारी झाला. त्यानंतर नायगाव ठाण्याचे पोलिस अधिकारी आले. रात्री उशिरा कारवाई करत जेसीबी ठाण्यात लावण्यात आला आहे.- रेखा राठोड, मंडळ अधिकारी, नायगाव.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
