Registered Marriage: जिल्ह्यात सात महिन्यांत झाले ३३८ नोंदणी विवाह; अनावश्यक खर्चाला दिला फाटा, नांदेड शहरात सर्वाधिक प्राधान्य

नांदेड : आधुनिक जीवनशैली, बदलती सामाजिक मानसिकता आणि वाढत्या महागाईमुळे अनेक जोडप्यांचा कल सध्या नोंदणी विवाहाकडे झुकलेला दिसत आहे..परिणामी, नांदेड जिल्ह्यात जानेवारी २०२५ ते जुलै २०२५ या सात महिन्यांच्या कालावधीत तब्बल ३३८ नोंदणी विवाहांची नोंद करण्यात आली आहे. अनावश्यक खर्चाला फाटा देऊन विवाह पार पाडले जात आहेत..पूर्वी विवाह म्हणजे पारंपरिक विधी, मोठ्या प्रमाणावर खर्च, लग्न समारंभासाठी काही दिवसांचा खर्चिक कार्यक्रम ही कल्पना होती. मात्र, आता अनेक सुशिक्षित व विवेकी जोडपी आणि त्यांच्या कुटुंबीयांनी अनावश्यक खर्च टाळत, थेट विवाह नोंदणी कार्यालयातून विवाह करण्याचा निर्णय घेतला आहे. .सात महिन्यांत झालेल्या नोंदणी विवाहांची विभागवार पाहणी केली असता, नांदेड शहरात सर्वाधिक १२८ विवाह नोंदवले गेले, तर ग्रामीण भागातील हिमायतनगर, भोकर, कंधार, मुखेड, नायगाव अशा तालुक्यांमधूनही चांगल्या प्रमाणात नोंदणी विवाह होत असल्याचे नोंदणी कार्यालयातील अधिकाऱ्यांनी सांगितले..नोंदणी विवाहाचे मुख्य आकर्षण म्हणजे त्यामध्ये होणारा खर्च अत्यंत मर्यादित असतो. विवाहाच्या कायदेशीर नोंदणीसाठी अवघ्या काही शासकीय शुल्काची आवश्यकता असते आणि विधीही कमी वेळात पार पडतो. त्यामुळे वेळ, पैसा आणि श्रम यांची बचत होते. याशिवाय, समाजातील काही स्तरामध्ये कौटुंबिक परवानगीशिवाय प्रेमविवाह करणाऱ्या जोडप्यांसाठीही नोंदणी विवाह सुरक्षित पर्याय ठरतो..Akola Politics: डाॅ. अभय पाटील यांना शिंदे सेनेची ऑफर; रामेश्वर पवळ यांचा थेट कॉल, अकोल्याच्या राजकारणात हलचल.मूल्यनिष्ठ व समंजस निर्णयाकडे वाटचालमहागाईच्या काळात लाखो रुपयांचा खर्च करून विवाह सोहळा करणे अनेकांना परवडणारे नाही. त्यामुळे सुशिक्षित तरुणवर्ग ‘किमान खर्चात, अधिक कागदोपत्री वैधता असलेला विवाह’ ही संकल्पना स्वीकारत आहे. ही सामाजिक जागृती आणि बदलता दृष्टिकोन असल्याचे म्हणावे लागेल. या बदलत्या प्रवृत्तीमुळे समाजात विवाहासंबंधीची एक सकारात्मक व संक्षिप्त दिशा निर्माण होत असून, पुढील काळात नोंदणी विवाहांची संख्या वाढण्याची शक्यता नाकारता येत नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories