Nylon Manja Incident esakal
नांदेड
Nylon Manja Incident : पतंगच्या नायलॉन मांजाने चिरला चिमुकलीचा पाय; तब्बल 12 टाके पडल्याने गंभीर जखमी
Nylon Manja Incident : पतंगाला मोठ्या प्रमाणावर मांजा असल्यामुळे ईश्वरीला हा मांजा दिसून आला नाही. याचवेळी पायाला गुंडाळल्या गेलेल्या मांजाची गाठ पडून ईश्वरीच्या पायाला खोल जखम झाली.
Summary
"एकंदरीत प्रतिबंधित चिनी मांजा दोऱ्यावर बंदी असतानाही पतंग शौकीनाकडून पतंग काटाकाटी करिता चिनी मांजा वापरला जात आहे."
कळमनुरी : पतंग (Kite) उडविण्यासाठी वापरण्यात आलेल्या नायलॉन मांजा (Nylon Manja) पायात अडकून चिमुकली गंभीर जखमी झाल्याची घटना गुरुवारी (ता. नऊ) घडली. नायलॉन मांजा वापरणे व विक्री करण्यास प्रतिबंध करण्यात आल्यानंतरही राजरोसपणे शहरात पतंग उडवणाऱ्या शौकिनांकडून हा मांजा वापरला जात आहे. विद्यार्थिनी गंभीर जखमी झाल्यानंतर पालिका प्रशासनाने आता मांजा विक्रीच्या ठिकाणांचा शोध चालवला आहे.