गंगनबीड परिसरात सीडबॉलचे रोपण | Sakal
sakal

बोलून बातमी शोधा

Seedball planting in Ganganbeed area nanded

गंगनबीड परिसरात सीडबॉलचे रोपण

नांदेड - जिल्ह्यातील टेकड्या हरित करण्यासाठी जिल्हा परिषद व वन विभागाच्या संयुक्त विद्यमाने हरित टेकडी करण्यासाठी एक व्यापक मोहीम आषाढी एकादशीच्या पार्श्वभूमीवर रविवारी सुरू करण्यात आली. या अंतर्गत नायगाव तालुक्यातील गंगनबीड परिसरातील टेकड्यांवर विद्यार्थ्यांकडून दोन हजार सिडबॉलचे रोपण करण्यात आले.

यावेळी जिल्हा परिषदेच्या मुख्य कार्यकारी अधिकारी वर्षा ठाकूर- घुगे, वनसंरक्षक केशव वाबळे, माध्यमिकचे शिक्षणाधिकारी प्रशांत दिग्रसकर, उपविभागीय दंडाधिकारी विकास माने यांच्यासह परिसरातील ग्रामस्थ, शिक्षक, पालक उपस्थित होते. स्वातंत्र्याच्या अमृत महोत्सवी वर्षानिमित्त विविध कार्यक्रमांचे आयोजन जिल्हा परिषद व जिल्हा प्रशासनाच्या वतीने करण्यात येत आहे. हा कार्यक्रम त्याचाच एक भाग होता. जिल्ह्यातील सर्व तालुक्यातील संरक्षित टेकड्या, मोकळी मैदाने, रस्त्याच्या कडेलगतची मोकळी जागा या ठिकाणी सर्व शाळांच्या वतीने सीडबॉल रोपण करण्याचे कार्यक्रम आखण्यात येत आहेत.

उन्हाळी सुटी आणि शाळा आरंभी सर्व शाळांनी विद्यार्थ्यांच्या सहभागातून मोठ्या प्रमाणावर वृक्ष लागवडीसाठी सीडबॉल्सची निर्मिती केली आहे. हरित टेकडी या कार्यक्रमांतर्गत जिल्ह्यातील सर्व टेकड्यांवर स्थानिक वृक्ष संवर्धन करण्याचा हा नावीन्यपूर्ण कार्यक्रम आहे. वटपौर्णिमेलाही जिल्ह्यात एकाच वेळी सर्वत्र नऊ हजार वटवृक्षांचे रोपण करण्यात आले होते. हरित नांदेड करण्यासाठीचा हा एक नवीन प्रयोग आहे.

Web Title: Seedball Planting In Ganganbeed Area Nanded

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top